அருண் பிரசாத்

இரு வருடத்திற்கு முன்னர் இருந்த மனநிலை மீண்டும் எம்முள்.....

2011-08-13T12:11:00.011+05:30

மர்மம் தலை நிமிர்ந்து வீர நடைபோட்டுக் கொண்டிருக்கும் இந்த நாட்களில் அச்சத்தின் மத்தியிலேயே மக்கள் வெளியில் செல்ல வேண்டிய சூழல் இன்று உருவாகியுள்ளது.

2009ஆம் ஆண்டு மே மாதம் 19ஆம் திகதிக்கு முன்னர் இருந்த சூழலை தற்போதைய நாட்களில் நான் காண்கின்றேன்.

மீண்டும் இப்படியான ஒரு சூழல் உருவெடுக்காது என பல தரப்பினரும் நம்பி தமது முன்னேற்ற பாதையை நோக்கி நகர ஆரம்பித்திருக்கும் காலத்தில், முதுகின் பின்னால் இருந்து தாக்குவது போல மர்ம மனிதர்களின் தாக்குதல்கள் தற்போது அதிகரித்து செல்கின்றது.

மர்ம மனிதர்களின் தாக்குதலில் இதுவரை எவரும் உயிரிழக்காத நிலையில், பொலிஸார் மற்றும் பொதுமக்களின் தாக்குதல்களிலேயே அப்பாவி நபர்கள் உயிரிழக்கின்றனர்.

எனது முன்னைய பதில் நான் கூறியிருந்ததை போல காஹவத்தை பிரதேசத்தில் மனநலம் பாதிக்கப்பட்ட ஒருவரினால் மேற்கொள்ளப்பட்ட கொலைகளை மையப்படுத்தி சிலர் பொதுமக்களை அச்சத்தில் ஆழ்த்தி வருகின்றனர்.

இவர்களின் நோக்கம் என்னவாக தான் இருக்கும்?

இந்த மர்ம மனிதர்களின் பின்னணி குறித்து அண்மையில் நடைபெற்ற பாராளுமன்ற அமர்வுகளில் எதிர்க்கட்சி உறுப்பினர்கள் அரச தரப்பினரை நோக்கி தனது விரலை நீட்டியிருந்தனர்.

பொலிஸாரின் அசமாயப்போக்கே மர்ம மனிதர்களின் நடமாட்டத்தின் பின்னணி என இதில் பெரிதும் பாதிக்கப்பட்டுள்ள கிழக்கு மாகாண பொத்துவில் பிரதேச மக்கள் தெரிவிக்கின்றனர்.

எது எவ்வாறு இருந்தாலும், கடந்த 30 ஆண்டுகள் இடம்பெற்றுவந்த யுத்தம் நிறைவுக்கு கொண்டுவரப்பட்டு இரு ஆண்டுகளே முடிவடைந்துள்ள நிலையில், மீண்டும் இப்படியான ஒரு அசாதாரண சூழல் ஏற்பட்டுள்ளது.

நாட்டில் 3 தசாப்தங்கள் இடம்பெற்றுவந்த யுத்தத்தில் பெரிதும் பாதிக்கப்பட்ட தமிழ் மற்றும் முஸ்லிம் மக்களே, மீண்டும் இந்த மர்ம மனிதர்களின் தாக்குதல்களுக்கு முகம் கொடுத்து வருகின்றனர்.

இந்நிலையில், தற்போது அமுலில் இருக்கும் அவசரகாலச் சட்டத்தினை எதிர்க்கட்சிகளின் உறுதியான நிலைப்பாட்டினால் தளர்த்த வேண்டிய நிலைக்கு அரசாங்கம் தள்ளப்பட்டுள்ள இத்தருணத்தில், இவ்வாறான அச்சத்துடன் கூடிய அசாதாரண சூழ்நிலை தொடர்வதனால் அவசரகாலச் சட்டத்தினை தொடர்ந்தும் அமுலில் வைத்திருக்க வேண்டிய கடப்பாடு அரசாங்கத்திற்கு ஏற்பட்டுள்ளது.

அவசரக்காலச் சட்டம் அமுலில் இருக்குமானால் ஒருமித்த மனதுடன் எவ்வாறு வெளியில் செல்வது.......

எத்தருணத்திலும் யாரையும் கைது செய்து விசாரணைகளை மேற்கொள்ள பாதுகாப்பு தரப்பினருக்கு முழு அதிகாரம் உள்ளதனால், அச்சம் எமக்கு தான்......

அவசரக்காலச் சட்டம் தொடர்ந்தும் அமுலில் இருக்குமா? என்ற கேள்வி ஒவ்வொரு நொடியிலும் ஒவ்வொருவரின் மனதிலும் எழுந்த வண்ணமே உள்ளமையை யாராலும் மறுக்க முடியாது........ ஆனால் மறைக்க முடிகின்றது அல்லவா!

பொத்துவில் பிரதேசத்தில் மர்ம மனிதனின் தாக்குதலுக்கு இலக்கான பெண்ணின் படம்....

நன்றி அததெரண

மர்ம மனிதனின் நோக்கம்..... மர்மம்

2011-08-10T22:35:00.007+05:30

திரைப்படத்தில் பார்த்த அந்நியனா இவன்? அல்லது பெண்களை தொடரும் ஆவியா இவன்?

பதில் தெரியாது இன்று பல கேள்விகளுடன் உலாவிவரும் பொதுமக்கள் ஒருபுறம் இருக்க, நடப்பது என்னவென அறியாத பாதுகாப்பு பிரிவினர் மறுபுறத்தில் அச்சத்துடன் பாதுகாப்பில் இருக்கின்ற நிலையில் ஊடகவியலாளர்களாகிய எமது நிலையோ...... பரிதாபம்.......

நடப்பது தொடர்பில் பல்வேறு தொலைபேசி அழைப்புக்கள் அலுவலகத்திற்கு மாத்திரம் அல்லாது, எமது கையடக்கத் தொலைபேசிக்கும் தொடர்ச்சியாக வந்த வண்ணமே உள்ளன.

ஊடகவியலாளர்களுக்கும் இதுவரை இந்த சம்பவம் தொடர்பான சரியான தகவல்கள் கிடைக்காத நிலையில் நாங்கள் மக்களின் கருத்துக்களையும், பாதுகாப்பு பிரிவினரின் கருத்துக்களையும் மாத்திரமே வெளியிட்டு வருகின்றோம்.

கிறீஸ் மனிதன் என அழைக்கப்படும் மர்ம மனிதன் யார்......?

இதற்கான பதில் என்னிடம் உள்ளது.....

இரத்தினபுரி காஹவத்தை பிரதேசத்தில் தொடர்ச்சியாக இடம்பெற்ற பெண்களின் கொலைகளை அடுத்தே இந்த மர்ம மனிதன் உருவெடுத்தான்.

மனநிலையால் பாதிக்கப்பட்டவரினாலேயே இவ்வாறான கொலைகள் தொடர்ச்சியாக மேற்கொள்ளப்பட்டு வருவதாக பாதுகாப்பு பிரிவினர் அறிவித்திருந்த போதிலும், அதனை நான் நம்பவில்லை.

இந்த சம்பவத்தின் பின்னணியில் ஏதோ ஒரு மர்மம் இருக்கின்றது என்பதனை அறிந்த நான், தனிப்பட்ட ரீதியில் யாருக்கும் தெரியாதவாறு இது தொடர்பாக ஆராய்ந்தேன்.

ஆம், நாட்டில் உலாவரும் மர்ம மனிதன் உண்மை என்பதனை என்னால் அறிய முடிந்தது.

காஹவத்தை சம்பவத்தில் காணப்பட்ட அச்ச நிலையை பயன்படுத்திய சிலர் குழுக்களாக திரண்டு இந்த நடவடிக்கைகளை மேற்கொண்டு வருகின்றனர்.

அப்படியான நிலையில் ஏன் பொருட்களை கொள்ளையடிக்காது பெண்களையே துன்புறுத்தி வருகின்றனர் என்ற கேள்வி உங்கள் மனதில் தற்போது உருவெடுத்திருக்கும்.

ஒருபுறம் பெண்களை பாதுகாப்பதற்கான ஆண்கள் வீதியில் இறங்கி பாதுகாப்பு கடமைகளை மேற்கொண்டுள்ள நிலையில், திருடர்களின் கைவண்ணம் சரியாக இடம்பெற்றுகின்றன.

இந்த சம்பவங்கள் இடம்பெற்ற பிரதேசங்களில் சற்று உன்னிப்பான அவதானித்து பார்த்தால் நான் கூறுவதின் உண்மை தன்மை புரியும் என நினைக்கின்றேன்.

இது மர்ம மனிதனின் காலம்...... மர்ம மனிதனை தவிர எமது சகோதரர்கள் அப்பாவி ஆண்களின் மீதே தாக்குதல் மேற்கொண்டு வருகின்றனர்.

இந்த அப்பாவி ஆண்கள் யார் முகத்தில் காலையில் விழித்தார்களோ தெரியவில்லை. தாக்குதல் சற்று பலமாகவே உள்ளது.

மர்ம மனிதனின் நடமாட்டம் உண்மை? அவர்களின் நோக்கம் பெண்கள் அல்ல.... பெண்களை மையப்படுத்திய கொள்ளை...

தயவு செய்து பெண்களுக்கு பாதுகாப்பு வழங்குவதாக கூறி ஆண்கள் வீதியில் இறங்கி நேரத்தை வீணடிக்க வேண்டாம். வீட்டிற்குள் இருந்தால் அதுவே பெண்களினதும், சொத்துக்களினதும் பாதுகாப்பாக அமையும் என்பதனை நான் கூறிக்கொள்ள விரும்புகின்றேன்..

மர்ம மனிதனின் நோக்கம் சரியாக நிறைவேறுகின்ற போதிலும், காவலர்களின் நோக்கமோ அப்பாவி ஆண்களின் மீதே..............

தொடருமா மர்மம்........ நிச்சயம்.......

ஆலயத்தின் புனிதம் இழிவுபடுமா?

2011-07-19T13:29:00.004+05:30

இந்துக்களின் முக்கிய திருத்தலங்களை கொண்டு அமைந்த இடமாக கருதப்படும் நாடு இந்தியா.

இந்தியாவின் கேரள மாநிலத்தின் திருவனந்தபுரத்தில் அமைந்துள்ள பத்மநாபசாமி ஆலயத்தில் அண்மையில் பல லட்சம் கோடி ரூபா மதிப்புள்ள தங்கம் மற்றும் வைரம் என விலைமதிக்க முடியாத ஆபரணங்கள் அரசாங்கத்தினால் கண்டுப்பிடிக்கப்பட்டு மீட்டெடுக்கப்பட்டன.

இவ்வாறு மீட்டெடுக்கப்பட்ட ஆபரணங்களை அடுத்து இந்தியாவின் ஏனைய ஆலயங்களும் தங்க ஆபரணங்கள் மறைத்து வைக்கப்பட்டிருக்கலாம் என்ற சந்தேகம் எழுந்துள்ளதாக இந்திய ஊடகங்களில் செய்திகள் வெளிவந்த வண்ணம் உள்ளன.

இந்நிலையில், சன் மற்றும் விஜய் ஆகிய தொலைக்காட்சிகள் நேற்றைய தினம் ஒளிப்பரப்பிய நிஜம் மற்றும் நடந்தது என்ன ஆகிய நிகழ்ச்சிகளில் ஏனையஆலயங்களிலும் ஆபரணங்கள் உள்ளதாக செய்திகளை வெளியிட்டன.

இவ்வாறு வெளியிடப்பட்ட செய்தி எந்தளவிற்கு உண்மை என்பது எனக்கு தெரியாது. நான் அங்கு சென்று பார்க்கவும் இல்லை. ஒரு யுகத்திலேயே நான் இதனை எழுதுகின்றேன்.

பத்மநாபசாமி ஆலயத்திலிருந்து கண்டெடுக்கப்பட்ட தங்க ஆபரணங்களை வைத்து இந்து மதத்தின் தொண்மை உறுதி செய்யப்பட்டுள்ளது.

இந்து மதத்தின் தொண்மையை பற்றி தவறான கருத்துக்களை வெளியிட்டவர்களுக்கு தற்போது புரிந்திருக்கும் இந்துமதத்தை பற்றி.

இந்நிலையில் தமிழகத்திலுள்ள பல ஆலயங்கள் தொடர்பாக தற்போது பல்வேறு செய்திகள் வெளிவந்த நிலையில், சில ஆலயங்களில் சுரங்க பாதைகள் மற்றும் வைப்பகங்கள் காணப்படுவதாக தெரிவிக்கப்பட்டு வருகின்றது.

இவ்வாறான கருத்துக்களை ஆராய்ந்து நடவடிக்கை எடுத்துவரும் இந்திய அரசு, ஒவ்வொரு தனிநபர்களினாலும் எழுப்பப்படும் சந்தேகங்களை தீர்ப்பதற்காக அனைத்து ஆலயங்களின் சிலைகளை உடைக்கும் நிலை ஏற்பட்டுள்ளது.

இது முற்று முழுதாக தவறான விடயம். முழுமையாக ஆராய்ந்த பின்னரே ஆலயங்களை சோதனையிட வேண்டும் என்பதே எனது கருத்து.

ஆலயங்களின் கண்டெடுக்கப்படும் ஆபரணங்களை வைத்து பல நன்மைகளை செய்யலாம். ஒரு ஆலயத்தில் இவ்வாறான ஆபரணங்கள் கிடைத்தது என்றால், எல்லா ஆலயத்திலும் ஆபரணங்கள் இருக்கும் என்பது தவறு.

ஆலயங்களின் புனிதத்தை இழிவுப்படுத்த வேண்டாம்.

ஈழத் தமிழ் யுவதியின் சோகக்குரல்

2011-04-21T18:55:00.001+05:30

இலங்கை கிரிக்கெட் சிதைந்தமைக்கான காரணம் யார்?

2011-04-08T17:16:00.009+05:30

உலகக் கிண்ணப் போட்டிகள் நிறைவடைந்து, இலங்கை - இந்திய ரசிகர்களுக்கு இடையிலான சண்டைகள் நிறைவடைய முன்னதாகவே இலங்கை கிரிக்கெட் பல துண்டுகளாக உடைந்து நொருங்கி விட்டது.

இதற்கான காரணத்தை பலர் பல்வேறு கோணங்களில் பார்த்தாலும், அதற்கான காரணம் அரசியலின் ஒரு அங்கமாகவே காணப்படுகின்றது என்றால் அது தப்பில்லை என நான் நினைக்கின்றேன்.

இலங்கை - இந்திய அணிகளுக்கு இடையிலான, அதுவும் வரலாற்றில் முதன் முறையாக உலகக் கிண்ண இறுதிப் போட்டியில் இலங்கை இந்திய அணிகள் மோதின.

இந்த போட்டியை சில ஊடகங்கள் இராமர் - இராவணன் யுத்தம் எனவும் வர்ணித்திருந்தனர்.

இப்படிப்பட்ட ஒரு எதிர்பார்ப்புள்ள போட்டியை ஆசிய நாடுகள் மட்டுமன்றி உலகமே எதிர்பார்த்திருந்தது.

இந்நிலையில் இந்திய - பாகிஸ்தான் அணிகளுக்கு இடையிலான போட்டியையும் இப்படியே தான் எதிர்பார்த்தார்கள்.

அது ஒரு அரசியல் நோக்கமான விளையாட்டாக இருந்த நிலையில், இந்தியாவினால் பாகிஸ்தானிற்கு அழைப்பு விடுக்கப்பட்டிருந்தது.

எனினும், இலங்கை - இந்திய போட்டிக்கு இந்தியாவினால் இலங்கைக்கு அழைப்பு விடுக்கப்பட்டிருக்கவில்லை.

இப்படிப்பட்ட நிலையில் போட்டி ஆரம்பமாகியது. இந்த போட்டியை காண இந்திய அரசியல்வாதிகள் மாத்திரமின்றி, உலகமே ஏற்றுக் கொண்ட பல முன்னணி நடிகர்களும் வருகைத் தந்திருந்தனர்.

போட்டியில் இலங்கை அணி நாணய சுழற்சியில் வெற்றி பெற்று முதலில் துடுப்பெடுத்தாட தீர்மானித்தது.

இந்த போட்டி ஆரம்பமாகிய போதே இலங்கை அணி பின்னடைவை சந்தித்து வந்த நிலையில் இறுதியில் ஒரு நிலையை இடத்தை பிடித்தது.

எனினும், இந்தியாவை அவர்களால் வீழ்த்த முடியவில்லை.

எவ்வாறாயினும், போட்டிகள் நிறைவடைந்த நிலையில் ஒரு அரசியல்வாதியை கூட போட்டிக்கான கிண்ணங்களை வழங்க அழைப்பு விடுக்கப்படவில்லை.

அவ்வாறு இருக்க கிரிக்கெட் போட்டிகள் நிறைவடைந்து அடுத்த நாளே காலை இலங்கை அணி தாய் நாட்டை வந்தடைந்தது.

இதன்பின்னர் நடந்தது என்னவென சிலர் தெரிந்திருந்த போதிலும் அதற்கான பதிலை இலங்கை கிரிக்கெட் தெரிவு குழுவின் முன்னாள் தலைவர் அரவிந்த டி சில்வா மறைமுகமாக தாம் விளகுவதற்கான காரணம் யார் என தெரிவித்திருந்தார்.

இப்போது இலங்கை கிரிக்கெட்டின் எதிர்காலம் ஒரு "?" அமைந்து விட்டது.

என்னால் வெளியிட முடிந்த கருத்துக்கள் இவ்வளவு தான்..... மேலதிக தகவல்களை சரியாக தேடிக்கொள்ளுங்கள்.......

2012யை வரவேற்றுக் கொண்டிருக்கும் நாடுகள்!

2011-03-21T17:27:00.009+05:30

2012யை நோக்கி சென்றுக் கொண்டிருக்கும் நாட்களை அச்சத்துடன் ஒவ்வொருவரும் ஒவ்வொரு நாளும் எதிர்பார்த்துக் கொண்டிருக்கின்றோம்.

2012 டிசம்பர் 21ஆம் திகதி இந்த உலகில் என்ன நிகழப் போகின்றது என்ற அச்சமே தற்போது மக்கள் மத்தியில் அதிகம் காணப்படுகின்றன.

இந்நிலையில், உலக அழிவானது 2012 என்கின்ற போதிலும், தற்போதே அதன் தாக்கங்கள் ஆரம்பமாகி விட்டதை நாம் உணர்கின்றோம்.

இதன்படி, கடந்த சில வருடங்களாக உலகில் அழிவுகளுடனான மாற்றங்கள் நிகழ்ந்த வண்ணமே உள்ளன.

2000ஆம் ஆண்டு ஆரம்பம் முதலே உலகம் தனது அழிவை சந்திக்க ஆரம்பித்திருந்ததுடன், 2004ஆம் ஆண்டு டிசம்பர் மாதம் 26ஆம் திகதி ஏற்பட்ட சுனாமி அனர்த்தத்தினால் சுமார் 2 லட்சத்து 30 ஆயிரத்திற்கும் அதிகமானோர் உயிரிழந்திருந்தனர்.

அத்துடன், அக்காலப்பகுதியில் ஏற்பட்ட பாரிய அழிவான சுனாமியினால் பாதிக்கப்பட்ட நாடுகள் சுமார் 248 மில்லியன் அமெரிக்க டொலருக்கும் அதிகமான நட்டத்தை எதிர்கொண்டிருந்தது.

இதனால் உலகம் மக்களை மாத்திரமன்றி, உலகின் சொத்துக்களையும் முற்றாகவே இழந்திருந்தது.

இதையடுத்து, 2010ஆம் ஆண்டு ஜனவரி மாதம் 12ஆம் திகதி ஹெய்டியில் ஏற்பட்ட நிலநடுக்கத்தினால் சுமார் 3 லட்சத்திற்கும் அதிகமான மனித உயிர்களை காவுக் கொள்ளப்பட்டிருந்தன.

அத்துடன், ஹெய்டியின் போர்ட்-ஓ-பிரின்ஸில் ஏற்பட்ட நிலநடுக்கத்தின் பின் ஏற்பட்ட விளைவுகளினால் அங்கு பல்வேறு தொற்று நோய்கள் ஏற்பட்டிருந்தன.

அதனால் ஒவ்வொரு நாளும் பல மனித உயிர்கள் காவுக் கொள்ளப்பட்டமை யாவரும் அறிந்த உண்மை.

இதனால், அந்நாடு பல்வேறு இன்னல்களை தொடர்ச்சியாக இன்று வரை சந்தித்து வருகின்றது.

இந்நிலையில், உலகம் பல பிரச்சினைகளை சந்தித்து வருகின்ற இத்தருணமானது, 2012 என்ற அதிர்த்தி தரும் ஆண்டின் அண்மித்த பகுதியில் உள்ளது.

2012 என்றாலே உலக அழிவு என்ற பொருள் அனைவரது மனதையும் ஆட்டிபடைத்துக் கொண்டிருக்கின்றது.

இந்நிலையில் இவ்வாண்டு மார்ச் மாதம் 11ஆம் திகதி ஜப்பானை தாக்கியது 9.0 ரிச்டர் அளவிலான நிலநடுக்கத்துடன் கூடிய சுனாமி.... இதனால் காவு கொள்ளப்பட்ட மனித உயிர்களின் எண்ணிக்கை சரியாக இதுவரை கணிப்பிடப்படவில்லை.

இவ்வாறு ஏற்பட்ட சுனாமி அனர்த்தத்தை விடவும் அதன் பின்னர் ஜப்பான் சந்திக்கவுள்ள பொருளாதார நெருக்கடியுடனான சுகாதார பிரச்சினைகள் தமது நாட்டை அழிவிற்கே கொண்டுச் செல்லும் என்ற எண்ணக்கரு எம்மத்தியில் பரவத் தொடங்கி விட்டது.

இதனுடன், 2012 டிசம்பர் வரை உலகம் பல பிரச்சினைகளை சந்திக்கும் என பலர் தமது கருத்துக்களை முன்வைத்து வருகின்றனர்.

உலகம் தனது அழிவை இயற்கையிடமிருந்து மாத்திரமன்றி, மனிதனிடமிருந்தும் எதிர்கொண்டு வருகிறமை குறிப்பிடத்தக்கது.

இந்த அழிவுகள் மாத்திரமன்றி கடந்த ஆண்டு பல விமான விபத்துக்கள் தொடர்ச்சியாக இடம்பெற்றிருந்தன.

இந்த விமான விபத்துக்கள் இடம்பெற்றமைக்கான காரணம் கூட இதுவரை சரியாக அறியப்படவில்லை.

அத்துடன், உலகின் பல நாடுகள் எதிர்கொண்டுள்ள யுத்தம் தற்போது உக்கிர நிலையை அடைந்துள்ளது. இதுவும் கூட உலக அழிவின் ஒரு பாகமாக இருக்கலாம் என்பது என் தனிப்பட்ட கருத்து.

லிபியா, பஹ்ரேன், பாகிஸ்தான், ஈரான், ஈராக், ஆப்கானிஸ்தான், மெக்ஸிகோ உள்ளிட்ட பல நாடுகளில் யுத்தம் உக்கிர நிலையை அடைந்துள்ளது.

எனினும், இவை அனைத்தும் உலக அழிவாக இருக்க முடியாது.... உலகம் புதுப்பிக்கப்படும் ஒரு செயலாகவே கருதப்படுகிறது.

சந்திக்கும் ஒவ்வொன்றும் ஒரு அழிவையே நினைவு கூறுகின்றது. எதிர்பார்ப்போம்.... நடப்பது என்னவென.

அருணின் கடந்த சில மாதங்கள்........

2011-03-15T16:45:00.002+05:30

கடந்த சில மாதங்களாக பல்வேறு பிரச்சினைகளை எதிர்கொண்டிருந்தேன். அதனால் எனக்கு பதிவு உலகத்தின் பக்கம் நிம்மதியாக தலை சாய்க்க முடியவில்லை.

தற்போது எனக்கு இருந்த பல பிரச்சினைகளின் முக்கியமான பிரச்சினை தீர்ந்து விட்டது. அதனால் தற்போது ஒரு சிறிய ஆறுதலுடன் மீண்டும் பதிவுலகத்திற்கு பிரவேசிக்கின்றேன்.

கடந்த டிசம்பர் மாதமளவில் வெற்றி வானொலியிலிருந்து விலகி, இந்தியா சென்றிருந்ததுடன், ஏனைய நாட்களை வீட்டிலேயே கழித்தேன்.

சுமார் 3 மாதங்களின் பின்னர் தெரண தமிழ் வானொலியின் செய்தி ஆசிரியராக பணி புரிய நான் இந்த நிறுவனத்தில் இணைந்துக் கொண்டேன்.

அதனைத் தொடர்ந்து இலங்கையிலுள்ள தமிழ் பிரபல இயக்குநர் ஒருவர் இளங்கோவினால் இலங்கையில் தயாரிக்கப்பட்டுவரும் நகைச்சுவை தொடர் நாடகமொன்றிலும் நடிக்கும் வாய்ப்பு எனக்கு கிடைத்தது.

இதனைத் தொடர்ந்து நான் மீண்டும் பதிவுலகத்திற்கு பிரவேசிக்கின்றேன்.

THE RATE BOY

2010-09-30T12:25:00.001+05:30

Live Radio Time: VETTRI FM - 99.6 FM - SRI LANKA

2010-09-26T12:01:00.000+05:30

Live Radio Time: VETTRI FM - 99.6 FM - SRI LANKA

நடிகர் முரளியின் இறுதி சந்திப்பு விஜயுடன்.......

2010-09-14T06:43:00.003+05:30

பல்லாயிரக்கணக்கான உயிர்களை காவுக் கொண்ட யுத்தம் தற்போது விளையாட்டில்!

2010-08-17T09:30:00.006+05:30
கடந்த 30 வருடங்களாக இடம்பெற்ற மோதல்கள் நிறைவடைந்துள்ள நிலையில் தற்போது நாடு வழமை நிலைக்கு திரும்புகிறது.

இந்நிலையில் இலங்கையின் மீதான உலக நாடுகளின் கவனம் அதிகரித்துள்ளமை யாரும் அறிந்ததே.

மோதல்கள் இடம்பெற்ற பலர் பல்வேறு வகையில் கருத்துக்களை வெளியிட்டு வருகின்ற நிலையில் இலங்கையில் இடம்பெற்ற யுத்தத்தை விளையாட்டு யுத்தமாக மாற்றி விட்டார்கள் தற்போது.

பல்லாயிரக்கணக்கான உயிர்களை காவுக் கொண்ட இந்த யுத்தம் தற்போது விளையாட்டாகி விட்டது என்பதை எண்ணினால், மனிதனின் மனிதாபிமானம் இது தானா.

மனிதனின் உயிரிற்கான பெறுமதி விளையாட்டில் முடிந்துள்ளது.

தமிழீழ விடுதலைப் புலிகளுடன் இடம்பெற்ற யுத்தத்தை தற்போது கணினியின் வீடியோ விளையாட்டாக மாற்றி விட்டனர்.

அச்சுறுத்தலுடன் முதலில் உண்மையை தர நாம் தயார்………

2010-08-03T20:46:00.005+05:30
இலங்கையில் 30 வருடங்களாக இடம்பெற்றுவந்த யுத்தம் நிறைவடைந்துள்ள நிலையில் ஊடகங்களின் மீதான யுத்தம் தொடர்ந்த வண்ணமே உள்ளது.

உலக நாடுகளை எடுத்துக் கொண்டால் உள்நாட்டு யுத்தத்தை நிறைவு செய்த நாடு என்ற பெருமையை இலங்கை பெற்றுள்ளதாக தெரிவிக்கின்ற போதிலும், அது உண்மைக்கு புறம்பான கருத்து என்பதே உண்மை.

ஒரு நாட்டை எடுத்துக் கொண்டால் நாடாளுமன்றம், ஜனாதிபதி, நீதிமன்றம், ஊடகம் என்ற அடிப்படையிலேயே நாடு இயங்க வேண்டும்.

ஆனால் இலங்கையில் ஜனாதிபதி, நாடாளுமன்றம், நீதிமன்றம், ஊடகம் என்ற அடிப்படையிலேயே நாடு இயங்கி வருகிறது.

இதில் 4ஆவது இடத்தை பிடித்துள்ள ஊடகத்தின் சுதந்திரம் முழுமையாக பறிக்கப்பட்டுள்ளமையானது உலக நாடுகளே அறிந்த உண்மை.

ஊடகவியலாளர்கள் தாக்கப்படுகின்றமை, ஊடகவியலாளர்கள் கடத்தப்படுகின்றமை என ஆரம்பமான ஊடகங்களுக்கு எதிரான வன்முறைகள் தற்போது ஊடகத்தை முழுமையாக அழிக்கும் செயற்பாட்டில் வந்து நிற்கிறது.

நான் கடமையாற்றும் வெற்றி, சியத்த மற்றும் ரியல் ஆகிய ஊடக வலையமைப்புக்களின் செய்திப் பிரிவு கடந்த 30ஆம் திகதி இனந்தெரியாத 12 பேரினால் தாக்கப்பட்டு முழுமையாக தீவைக்கப்பட்டது.

இதையடுத்து கடந்த 30ஆம் திகதி முதல் எமக்கு செய்தி சேகரித்து வெளியிடும் நடவடிக்கைகளுக்கு அச்சுறுத்தல் ஏற்பட்டுள்ளது.

இலங்கையில் நடுநிலையாக செய்தியை வெளியிடும் பல ஊடக நிறுவனங்கள் இருக்கின்ற போதிலும், எமது செய்தியானது யாருக்கும் அச்சுறுத்தலை எடுத்தும் வகையில் இருக்கவில்லை. முழுமையாகவே நடுநிலை செய்தியாகவே அமைந்திருந்தது.

இவ்வாறு செய்தியை வெளியிடும் எமக்கே அச்சுறுத்தல் என்கிறது போது நாட்டின் உண்மையை வழங்கினால்?

இதேவேளை, என்னுடன் கடமையாற்றும் சகல ஊடகவியலாளர்களான ரஜனிகாந்தன் மற்றும் லெனின்ராஜ் ஆகியோர் தாக்கப்பட்டு தொடர்ந்தும் தமது வீடுகளில் இருந்தவாறே சிகிச்சை பெற்று வருகின்றனர்.

இவர்களுக்கு அச்சுறுத்தல் ஏற்பட்டுள்ள அதேவேளை, அவர்களுடன் கடமையாற்றும் ஏனைய நால்வருக்கும் அச்சுறுத்தல் ஏற்பட்டுள்ளது.

எவ்வாறான அச்சுறுத்தல்கள் வந்தாலும் எமது ஊடக நிறுவனத்தில் வெளியிடப்படும் செய்திகளில் நாம் ஒருபோதும் பின் நிற்பதில்லை.

உண்மையான செய்திகளை உடனடியாக முதலில் தர எப்போதும் தயாராக இருப்போம்.

பாதிக்கப்பட்டுள்ள எமக்கு ஒத்துழைப்புக்களையும், அருதல்களையும் வழங்கி வரும் நேயர்கள், ஊடகவியலாளர்கள், எமது நண்பர்கள் மற்றும் ஏனையோருக்கு நிறுவனத்தின் சார்பில் நன்றி…………….

எமது நேயர்களுக்காக எமது உண்மையான ஊடக சேவை விரைவில் உங்களின் முழுமையான ஒத்துழைப்புடன் தொடரும்…

இலங்கையுடன் முதல்வன்...........

2010-07-26T18:00:00.005+05:30
கடந்த சில தினங்களுக்கு முன்னர் தொலைகாட்சியில் ஒளிபரப்பாகிய முதல்வன் திரைப்படத்தை குடும்பத்தினருடன் சேர்ந்து பார்த்துக் கொண்டிருந்தேன்.

பல தடவைகள் இத்திரைப்படத்தை நான் பார்த்திருந்தும், இம்முறை வேறு ஓர் கோணத்திலேயே பார்த்தேன்.

இந்த படத்திற்கும் இலங்கைக்கும் இடையில் பல்வேறு தொடர்புகள் உள்ளமையை நான் இம்முறை தான் அறிவிந்து கொண்டேன், அது மாத்திரமன்றி இப்படத்தை முழுமையாக இலங்கையுடனேயே ஒப்பிட்டு பார்த்தேன்.

ரகுவரனுக்கும், அர்ஜுனுக்கும் இடையில் நடைபெறும் செவ்வி காணும் சம்பவம்.

அர்ஜுனினால் ரகுவரனிடம் கேட்கப்படும் கேள்விகளுக்கும் தற்போது இலங்கையின் சூழ்நிலைக்கும் இடையில் 100 சதவீத ஒற்றுமை காணப்படுகிறது.

உலக வங்கி, வரி, மனித உரிமைகள் என அனைத்து விடயங்களும் கேள்விகளாக இதன்போது அர்ஜுனினால் கேட்கப்படுகிறது.

அத்துடன், தேர்தல் விஞ்ஞாபனத்தையும் எமது நாட்டுடன் ஒப்பிட்டு பார்க்கக்கூடியதாய் உள்ளது.

அது மாத்திரமன்றி அரசாங்கத்தின் முக்கிய அமைச்சு பதவியை வகிக்கும் ஒருவரை சார்ந்த கதாப்பாத்திரமொன்றும் முதல்வன் திரைப்படத்தில் சித்தரிக்கப்பட்டுள்ளது.

இலங்கையின் எதிர்காலத்தை ஏற்கனவே இத்திரைப்படத்தில் இயக்குநர் சங்கர் தெளிவுப்படுத்தியுள்ளமை வியக்க வைக்கும் விடயம்........

மேலும் இலங்கை தொடர்பான பல விடயங்கள் அத்திரைப்படத்தில் வெளிகொணரப்பட்டுள்ளமை குறிப்பிடத்தக்க விடயம்........... படத்தை மீண்டும் பார்க்கவும்....................

ஒரு அதிசயப் பெண்ணின் வீடியோ!

2010-07-11T12:58:00.000+05:30

(FACEBOOK) முகப்புத்தக பாவனையாளர்களுக்கு மாத்திரம்.

2010-07-06T07:30:00.003+05:30
முகப்புத்தகத்தில் அரட்டையில் ஈடுபடும் போது உங்கள் நண்பர்களுடன் வார்த்தைகளை தவிர்த்து சிறு சிறு அடையாளங்களின் மூலம் வித்தியாசமாக உங்களின் கருத்துக்களை பரிமாறிக்கொள்ளுங்கள்.

இதற்கான சில அடையாளங்கள் உங்களுக்காக.............

Smiley Name Shortcut
smile :-) :) :] =)
frown :-( :( :[ =(
gasp :-O :O :-o :o
grin :-D :D =D
tongue :-P :P :-p :p =P
wink ;-) ;)
curly lips :3
kiss :-* :*
grumpy >:( >:-(
glasses 8-) 8) B-) B)
sunglasses 8-| 8| B-| B|
upset >:O >:-O >:o >:-o
confused o.O O.o
shark (^^^)
pacman :v
squint -_-
angel O:) O:-)
devil 3:) 3:-)
unsure :/ :-/ :\ :-\
cry :'(
Chris Putnam :putnam:
robot :|]
heart <3
kiki ^_^
42 :42:
penguin <(“)

மேலதிக தகவல்கள்!
http://www.fbsmileys.com/

சேர்ந்த பிறகு விரும்பினேன்!

2010-07-05T19:47:00.007+05:30
தன்னை தான் அறியும் நாள் முதல் ஒருவனின் மனதில் தனக்கென ஒரு லட்சியம் உண்டாகும்.

தான் தன் வாழ்க்கையில் ஒரு நிலையை அடையும் போது, இந்த தொழிலை தான் செய்ய வேண்டும், இந்த தொழிலின் மூலமே தான் உயர்ந்த நிலையை அடைய முடியும் என்ற எண்ணம் அனைத்து மனித உள்ளங்களிலும் தோன்றுவது உலக நியதி அல்லவா!

அவ்வாறான உலக நியதியில் மாட்டிக் கொண்ட நான், இன்று அதனை சாதிக்க முடியாத நிலையில் உள்ளேன்.

உயர்தரத்தை முடித்த எனக்கு பல்வேறு வேலைகள் என்னை நாடி வந்த போதிலும், மனதிற்கு பிடித்த இரு வேலைகளை ஒரே நேரத்தில் செய்தேன்.

இலங்கையின் முன்னணி வாகன காப்புறுதி நிறுவனமான செலிங்கோ வி.ஐ.பி மற்றும் உலக வங்கி ஆகிய இரு நிறுவனங்களிலும் கடமையாற்றினேன்.

இப்படியாக என் வாழ்க்கை சென்றுக் கொண்டிருக்கும் அதேநேரம் என் லட்சியத்திற்காகவும் போராடினேன்.

ஒன்றரை வருடம் கண்மூடி திறக்கும் போது சென்று விட்டது.

2008ஆம் ஆண்டு ஜுன் மாதம் 25ஆம் திகதி எனக்கு ஒரு தொலைபேசி அழைப்பு.

புதிதாக வானொலி சேவையொன்று ஆரம்பிக்கப்பட்டுள்ளது, அதில் கடமையாற்ற விருப்பமா?

இது தான் அழைப்பு?

அப்போது எனக்கு அங்கிருந்த வர விருப்பமில்லை. ஆனாலும் சில காரணங்களினால் புதிதாக ஆரம்பிக்கப்பட்ட அந்த வானொலி சேவையின் நேர்முகத் தேர்விற்கு சமூகமளித்தேன்.

நேர்முகத் தேர்வு – 28.06.2008

எனக்கு இந்த தொழிலில் எந்த அனுபவமும் கிடையாது. இந்த தொழிலை பற்றியும் தெரியாது. எனது லட்சியமும் இந்த தொழில் அல்ல.

ஆனாலும் நிறுவனத்திற்கு நான் அளித்த விடைகள் அவர்களுக்கு விருப்பம் போல.

உடனடியான நாளையே தொழில் வந்து இணைந்துக் கொள்ளுமாறு அழைக்கப்பட்டேன்.

எனக்கு ஆச்சரியம், என்ன செய்வது என்று தெரியவில்லை. உடனே நான் அளித்த பதில் தான்

இன்னும் இரு தினங்களில் வந்து சேருகின்றேன்.

சரி சென்று வாருங்கள். என்று அனுப்பி விட்டார்கள் என்னை.
2008.06.30ஆம் திகதி இலங்கையில் புதிதாக ஆரம்பிக்கப்பட்ட வானொலியான வெற்றியில் இணைந்துக் கொண்டேன்.

இப்படி தான் என் வாழ்க்கையில் ஊடகத்துறை நுழைந்தது. கடந்த 30ஆம் திகதியுடன் இரு வருடங்களை பூர்த்தி செய்த நான், 3ஆவது ஆண்டில் தடம்பதித்து விட்டேன்.

லட்சியத்தை பற்றி சொன்னவன், அது என்ன லட்சியம் என்று இதுவரை கூறவில்லை என்பது தானே உங்களின் கேள்வி.

எனது பாடசாலை வாழ்க்கையில் பல மேடை நாடகங்களை நடித்த நான், எனது உயர்தர வகுப்பில் ஒரு நாடகத்தை நடித்தேன்.

அந்த நாடகத்தில் ஹீரோ நான் தான்.

பாடசாலையில் பிரதான மண்டபம் முழுவதும் அன்றைய நிகழ்ச்சிகளை கண்டுகழிக்க விசேட அதிதிகள், பாடசாலையின் ஆசிரியர்கள், மாணவர்கள், பெற்றோர்கள், பழைய மாணவர்கள், நலன்விரும்பிகள் என அனைவரும் திரண்டிருந்தனர்.

எனது அறிமுகத்தை கண்டு கரகோஷம் எழுப்பிய எனது நண்பர்கள், எனது அறிமுகத்திற்கு வரவேற்பும் அளித்தனர்.

நாடகத்தின் ஆரம்பத்தில் கரகோஷங்களை எழுப்பிய எனது நண்பர்கள், நாடக முடிவில் கண்களில் கண்ணீரை விட்டுச் சென்றனர்.

அப்போது திரைக்கு பின்னால் வந்த ஆசிரியரொருவர் என்னை பார்த்து நிச்சயமாக நீ ஒரு நடிகனாவாய்; என வாழ்த்திச் சென்றார்.

அவர் சொன்ன வார்த்தை மட்டுமல்ல, எனது லட்சியமும் அது தான்.

அது மட்டுமல்ல, அந்த நடாகத்தின் பிறகு என் வாழ்க்கையில் பல மாற்றங்கள்.

எனது நாடகத்தை பார்த்த விசேட அதிதிகளின் அறிமுகம் இன்றும் என்னுடன் இருக்கிறது.

அன்றைய தினம் எனக்கு கிடைத்த வரவேற்புக்கள்.

லட்சியம் நிறைவேறா விட்டாலும் பரவாயில்லை.... அவர்களின் வார்த்தைகள், வாழ்த்துக்கள், கண்களில் கண்ணீர் என அனைத்தும் எனது லட்சியத்தை நிறைவேற்றியது.

எனது லட்சியம் நிச்சயமாக நிறைவேறும் காலம் நெருங்கி விட்டது என நான் நம்புகிறேன்.

லட்சியம் நடிகராகுவது........
வந்து சேர்ந்தது ஊடகத்துறை........

விரும்பி சேரவில்லை இந்த தொழிலில்...... சேர்ந்த பிறகு விரும்பி செய்கிறேன்......

விரும்பி சேர நினைத்த தொழில் இதுவரை கிடைக்கவில்லை..... கிடைக்கும் என நம்புகிறேன்.

ஊடகத்துறையில் இரு வருடங்களை வெற்றிகரமான கொண்டுச் செல்ல உதவிய அனைத்து உள்ளங்களுக்கும் எனது நன்றிகள்!

யாழ் தேவியில் பிரவேசித்த நான்...... இப்போது தினக்குரலிலும்......

2010-06-26T18:58:00.001+05:30
பல வருடங்களாக வலைத்தளத்தை எழுதிய எனக்கு யாழ் தேவி மற்றும் தினக்குரல் வழங்கியது பட்டம்.

அது தான் கடந்த ஞாயிற்றுகிழமை தினக்குரல் பத்திரிகையில் வெளிவந்த எனது விபரங்களும் எனது வலைத்தளத்தின் ஆக்கமும்.

நன்றி யாழ்.தேவி
நன்றி தினக்குரல்

அழியவில்லை தமிழ்!

2010-06-22T07:45:00.009+05:30

உலகில் அழியாத, யாராலும் அழிக்க முடியாத மொழிகள் பல இருந்தாலும், பழைமை வாய்ந்த செம்மொழி என்றால் அது தமிழ் மொழியே!

நாம் பேசும் இந்த தமிழ் மொழி உலகிலுள்ள அனைத்து மொழிகளையும் விட அழகான மொழி.

பல மொழிகள் அழிவடைந்துள்ளதுடன், தொடர்ந்தும் அழிவடைந்து வருகின்றன.

இப்படி அழிவடைந்துள்ள மற்றும் அழிவடைந்துவரும் மொழிகளிலும் தமிழ் மொழி என்றுமே அழியாது என்பதையும் அழியவில்லை என்பதையும் உறுதி செய்யும் வண்ணம் நடைபெறுகின்றது உலகத் தமிழ்ச் செம்மொழி மாநாடு.

இந்த மாநாட்டில் பங்குப்பற்ற எனக்கு வாய்ப்பு கிட்டவில்லை என்பதை எண்ணி என்றுமே இல்லாதளவு என் மனம் கஷ்டப்படுகிறது.

உலகத் தமிழ்ச் செம்மொழி மாநாடு சிறப்புற நடைபெற தமிழன் என்ற ரீதியிலும், இலங்கை வாழ் தமிழன் என்ற வகையிலும் எனது வாழ்த்துக்கள்!

உலகத் தமிழ்ச் செம்மொழி மாநாட்டிற்காக இயற்றப்பட்ட பாடல்.

விக்ரம் + பிரித்திவ்ராஜ் = ஐஸ்வர்யா ராய்!

2010-06-19T13:01:00.010+05:30
ஆவதும் பெண்ணாலே அழிவதும் பெண்ணாலே என கூறியுள்ள கருத்துக்கு அமைய அண்மையில் வெளியான ராவணன் திரைப்படம் அமைந்துள்ளது.

நேற்றைய தினம் வெளியான ராவணன் திரைப்படத்தின் முதற்கட்சி (வி.ஐ.பி காட்சி) நேற்று முன்தினம் காண்பிக்கப்பட்டது.

கொழும்பிலுள்ள சினிசிட்டி திரையரங்கில் 2.30 சிங்கம் படம் பார்க்க சென்ற எனக்கு, 7 மணிக்கு காண்பிக்கப்பட்ட ராவணன் வி.ஐ.பி காட்சியையும் பார்க்க சந்தர்ப்பம் கிட்டியது.

இராமாயண கதை தெரிந்த ஒவ்வொருவருக்கும் ராவணன் திரைப்படம் தெளிவாக புரியும்.

இயக்குநர் மணிரத்னத்தின் வழமையான பாணியில் அமைந்துள்ள இத்திரைப்படம். ஏதோ ஓர் வகையில் மாற்றத்தை தந்துள்ளது திரையுலகத்திற்கு.

ராவணன் திரைப்படத்தை பலர் பல கோணத்தில் பார்த்தாலும் நான் பார்த்தது சற்று வித்தியாசமான கோணத்தில் என திரைப்படத்தை பார்த்தவர்களின் கருத்துக்களை வைத்து புரிந்துக் கொண்டேன்.

இத்திரைப்படத்தின் கதாநாயகன் விக்ரமா? பிரித்திவ்ராஜா? என அனைவரது மனதிலும் சந்தேகம் தோன்றுகிறது.

நிச்சயமாக விக்ரம் தான்....... ஆனால் ஒரு கோணத்தில் பார்க்கும் போது பிரித்திவ்ராஜ் எனவும் கூறலாம்.

ஆனால் இந்த திரைப்படத்தின் கருவாக அமைந்துள்ளவர் யார் என தெரியுமா?

ஐஸ்வர்யா ராய்!

படத்தில் ஆரம்பத்தில் படகில் அறிமுகமாகும் கதாநாயகியை விக்ரம் கடத்திச் செல்கிறார். (இராவணன் சீதையை கடத்தி செல்லும் கட்சி) யில் படம் ஆரம்பிக்கின்றது.

பின்னர் கடத்திச் செல்லப்பட்ட ஐஸ்வர்யா ராயை தேடி வருகிறார் பிரித்திவ்ராஜ் (சீதையை தேடி வரும் இராமன்)

கடத்திச் செல்லப்பட்ட ஐஸ்வர்யா ராய் மீது காதல் ஏற்படுகிறது விக்ரமிற்கு. (சீதை மீது இராவணனுக்கு ஏற்படும் மோகம்)

இராமாயணத்திற்கும் ராவணனனிற்கும் இடையிலுள்ள வித்தியாசம் இங்கே தான் வேறுபடுகிறது.

ராவணன் திரைப்படத்தில் விக்ரமிற்கு ஐஸ்வர்யா ராய் மீது ஏற்படுவது காதல். மோகம் இல்லை.

ஒரு ஆணின் வெற்றிக்கும் தோல்விக்கும் பெண்ணே காரணம் என கூறியுள்ள கருத்தை இயக்குநர் மணிரத்னம் தெளிவுப்படுத்துகிறார் இந்த காட்சியின் பின்னர் தான்.

விக்ரம், ஐஸ்வர்யா ராய் மீது கொள்ளும் காதலினால் மாத்திரமே பிரித்திவ்ராஜ் மீதுள்ள வெறிதானமான, கொலை செய்ய வேண்டும் என்ற கோபத்தையும் விட்டு, பிரித்திவ்ராஜை கொலை செய்யாது விடுகிறார் விக்ரம்.

அதுமாத்திரமா? ஐஸ்வர்யா ராய் மீதுள்ள காதலினாலேயே 17 நாட்கள் கடத்தி வைத்திருந்த அவளையும் விடுவிக்கின்றார் விக்ரம்.

இது தான் பெண்ணினால் ஏற்படும் ஆண்ணில் தோல்விக்கான காரணம்..... என இயக்குநர் கூறும் கருத்து.

விடுவிக்கப்பட்ட அவளை அழைத்துச் செல்லும் பிரித்திவ்ராஜ் ரயிலில் வைத்து கேட்கும் கேள்விகள்.

அப்போது ஐஸ்வர்யா ராயின் நடிப்பு, கண்களில் கண்ணீர்..... சூப்பர்.......

பிரித்திவ்ராஜின் கருத்துக்களை கேட்டு மீண்டும் விக்ரமிடம் செல்லும் ஐஸ்வர்யா ராய்....

அவரிடம் கேட்கும் கேள்விகள்...... அதற்கு விக்ரம் வழங்கும் பதில்கள் சூப்பரோ.... சூப்பர்.......

இந்த காட்சி தான் ஆணின் வெற்றிக்கு பின்னால் பெண் இருக்கின்றார் என இயக்குநர் கூறும் இடம்.

இதற்கு பின்னர் இந்த படத்தை பற்றி கூறுவது படத்தை ரசித்து பார்த்த எனக்கு நல்லதல்ல.

இந்த படத்தின் எனது கோணம் தான் ஆணின் வெற்றிக்கும் தோல்விக்கும் பெண்ணே காரணம் என கூறும் இயக்குநரின் மறைமுக கருத்து.

அதுமாத்திரமா? படத்தின் ஒவ்வொரு காட்சியையும் இயக்குநர் இயற்கையுடன் கூடி விளையாடியுள்ளார். இயற்கையில் ஆட்புதத்தை நிச்சயமாக திரையரங்குகளிலேயே பார்க்க வேண்டும்.

மாற்றது தான் பாடல்...........

அனைத்து பாடல்களையும் இயக்குநர் படமாக்கியுள்ள விதமும் சூப்பர்.

அதிலும் படத்தின் 2ஆவது பாடல் உசுரே போகுது........ அந்த பாடலின் முதல் காட்சியில் ஐஸ்வர்யா ராய் மரக்கிளையிலிருந்து கீழே விழுகிறார்.... காட்சியை உண்மையாகவே ரசித்து பார்த்தேன்....

இயக்குநர் மணிரத்னத்திற்கு எனது வாழ்த்துக்கள்..............

தமிழீழ துரோகி நான் - சீமானை சந்திக்க வேண்டும்!

2010-06-17T11:44:00.007+05:30
"இலங்கை சிங்கப்பூராக மாறி வருகிறது" என எனது முன்னைய பதிவில் தெரிவித்த கருத்திற்கு நான் தமிழீழ துரோகி என கருத்துக்களை தெரிவித்திருந்தனர்.

தமிழீழ துரோகி என வெளியிடப்பட்ட கருத்து இங்கே!

ஏன்? இலங்கையில் தமிழர்கள் பெரும்பான்மையாக வாழும் பிரதேசங்களில் கொழும்பும் முக்கிய இடத்தை வகிக்கின்றது அல்லவா?

கொழும்பு சிங்கப்பூராக மாறினால் தமிழர்களின் செயற்பாட்டிற்கு பெருமளவு உதவியாக இருக்கும் என்ற செய்தி என் மனதில் சந்தோஷத்தை ஏற்படுத்தியது.

அதற்காகவே நான் அப்படியாக கருத்து முன்வைத்தேன். அந்த வசனத்திற்கு நான் மன்னிப்பு கோர போவதும் இல்லை. காரணம் அந்த வசனம் தமிழர்களின் நன்மையை கருதியே!

மேலும் இலங்கை பிரச்சினை தொடர்பாக கருத்துக்களை வெளியிட்டு வரும் இயக்குநர் சீமானை நான் சந்திக்க வேண்டும்.

அவரை சந்தித்து இலங்கையின் தற்போதைய உண்மை நிலையை கூற வேண்டும்.

காரணம் இலங்கை பிரச்சினை தொடர்பாக பல்வேறு கருத்துக்களை வெளியிட்டுவரும் தமிழ் நாடு இலங்கையில் எஞ்சியுள்ள சுமார் 30 சதவீத தமிழர்களை பற்றி சிந்திக்கவில்லை என இலங்கை வாழ் தமிழர் பலரின் மனதில் தோன்றுகிறது.

தமிழ் நாட்டில் அழுத்தங்கள் தொடர்ந்தும் இலங்கைக்கு விடுக்கப்படும் பட்சத்தில் இலங்கை மீதான சர்வதேசத்தின் கவனம் அதிகரிக்கும்.

அதனால் சர்வதேசத்தின் உதவிகள் முற்றாக குறைவடைவதுடன் மோதல்களினால் பாதிக்கப்பட்ட தமிழ் மக்களுக்கான உதவிகளை வழங்குவதிலும் அரசாங்கத்திற்கு சிரமம் ஏற்படும்.

இலங்கை தமிழர்களின் எதிர்கால நலனை சிந்தித்து தயவு செய்து ஆர்ப்பாட்டங்களை கைவிட்டு, தமிழர்களுக்கான உதவிகளை வழங்குமாறு மிக தாழ்மையுடன் கேட்டுக்கொள்கிறேன்.

மேலும் இலங்கை தமிழர்களுக்கு சமவுரிமை வழங்கப்பட வேண்டும் என கோரிக்கை விடுத்து தமிழ் நாட்டில் மேற்கொள்ளப்பட்டு வரும் ஆர்ப்பாட்டங்கள் தமிழர்களின் ஒற்றுமையை வெளிப்படுத்துகிறது.

ஆனால் அதிலும் பல்வேறு பிரச்சினைகள் உள்ளதை ஆர்ப்பாட்டக்காரர்கள் நினைத்து பார்க்கின்றார்களா? என்ற கேள்வி என் மனதில் தோன்றி விட்டதனாலேயே இவ்வாறு தெரிவித்தேன்.

அத்துடன் இலங்கையிலுள்ள இந்திய முதலீட்டாளர்களின் பொருட்களை தமிழ் நாட்டில் நுகர வேண்டாம் என தமிழக அரசியல்வாதிகள் தமிழக மக்களிடன் கோரிக்கை விடுத்துள்ளனர்.

அவர்களின் அவ்வாறான நடவடிக்கைகளினால் பாதிக்கப்பட போது இலங்கையில் எஞ்சியுள்ள மிகுதி தமிழர்கள் தான் என்ற நினைப்பு அவர்களின் உள்ளத்தில் உள்ளதா?

இவர்களின் எதிர்காலம் குறித்தும் தயவு செய்து தமிழ் நாட்டு அரசியல்வாதிகள் மற்றும் திரையுலகத்தினர் நினைத்து பார்க்க வேண்டும்.

மோதல்களினால் பாதிக்கப்பட்ட பெரும்பான்மையான மக்கள் மீள்குடியமர்த்தப்பட்டு அவர்களுக்கென ஒரு எதிர்காலத்தை அரசாங்கம் ஏற்படுத்தி கொடுத்துள்ளது.

அத்துடன் இந்தியாவினாலும் இலங்கைக்கு பல்வேறு நிதியுதவிகள் வழங்கப்பட்டு வருவதுடன் வீடுகளை அமைத்து கொடுப்பதாக இந்திய மத்திய அரசு அறிவித்துள்ளது.

இப்படியான போராட்டங்களை நீங்கள் நடத்தி வருகின்றீர்கள். சரி வரவேற்கிறேன்.

ஏதாவது ஒரு சந்தர்ப்பத்தில் இலங்கை வாழ் தமிழர்களுக்கு அரசாங்கம் வழங்கிவரும் சலுகைகளை நிறுத்தி இந்தியாவிடமே பெற்றுக் கொள்ளுங்கள் என கூறினால் எங்கள் நிலை என்ன?

அதற்கு பிறகு தமிழ் நாட்டில் எமக்கு தங்க இடம் கிடைக்குமா? தமிழ் நாடு எமக்கு உதவிகளை வழங்குமா? இப்படியான கேள்வி எழுகிறது.

தயவு செய்து இவ்வாறான எதிர்ப்புக்களை தவிர்த்து இந்திய மத்திய அரசு மேற்கொண்டு வரும் உதவிகளுக்கு ஒத்துழைப்பை வழங்கி எமது எதிர்காலத்தை வளமாக்க உதவி செய்யுங்கள் என்பதே எனது தனிப்பட்ட கோரிக்கை.

நான் படித்தவை நீங்களும் .....................!

2010-06-10T06:39:00.009+05:30
கலேக்டர் ஆகனுமுனா ஐ.ஏ.எஸ் படி........
பொலிஸ் ஆகனுமுனா ஐ.பி.எஸ் படி..........
டொக்டர் ஆகனுமுனா எம்.பி.பி.எஸ் படி...........
நாசமா போகனுமுனா எஸ்.எம்.எஸ் படி...........

எஸ்.எம்.எஸ்ஸிற்கான ஆர்த்தம்.
S - சிங்கம் அனுப்பி (Singamm Anuppi)
M – மன்கி படிக்கிற (Monkey Padikira)
S - ஸ்மோல் பைல் (Small File)

என்ன பார்க்கிறீங்க?
யாருக்காவது அனுப்பி நீங்களும் சிங்கமாக மாறுங்க!

“L” is 12th
“O” is 15th
“V” is 22nd
“E” is 5th
Total of “LOVE” is 54
But similary
“F” is 6th
“R” is 18th
“I” is 9th
“E” is 5th
“N” is 14th
“D” is 4th
“S” is 19th
“H” is 8th
“I” is 9th
“P” is 16th
Total of “FRIENDSHIP” is 108
Exactly twice of 54 So the FRIENDSHIP is twice the value of LOVE

Sometimes my MIND asks........
Why I MISS U......?
Why I CARE U....?
Why I REMEMBER U....?
Why I SMS U....?
Then my HEART answers.......
It’s simply becouse SMS IS FREE........

Hi Un mobilla
enna problem?
Un numberkku
dialpannina
“WELCOME TO MENTAL HOSPITAL. LOOSU IS BUSY”
Enru solluthu.......

Friendship is a relationship between EYE and HAND. When HAND gets injury EYE will cry. When EYE cries HAND will wipe it....... Thats FRIENDSHIP.........

ஐபா வழங்கிய அனுபவங்கள்!

2010-06-08T07:25:00.013+05:30

உலக திரைப்படங்களில் 2ஆவது இடத்திலுள்ள பாலிவுட் திரைப்படத்தின் விருது வழங்கும் விழாவான ஐபா இலங்கையில் மிக சிறப்பாக நடைபெற்று முடிவடைந்ததையிட்டு இலங்கையர்களாகிய நாம் பெருமைப்பட வேண்டும்.

ஐபாவில் அருண்

வெளியில் எவ்வித பிரச்சினைகளும் இல்லாமல் முடிவடைந்த ஐபா உள்ளே பல்வேறு பிரச்சினைகளை சந்தித்தமை யாரும் அறிந்த மறைக்க முடியாத உண்மை.

இப்படி யாரும் அறிந்த மறைக்க முடியாத உண்மைகளிலும் மறைந்து கிடக்கும் பல்வேறு உண்மைகளை யாரும் அறிந்திருக்க மாட்டார்கள் (ஐபா செய்தி சேகரிக்க சென்ற ஊடகவியலாளர்களை தவிர)

இலங்கையில் நடைபெற்ற 11ஆவது ஐபா விருது வழங்கும் வைபவத்;தின் பெரும்பாலான பெறுப்புக்களை அரசாங்கம் ஏற்று நடாத்தினாலும் கூட இறுதி நிகழ்ச்சிகளின் ஏற்பாடுகளை ஐபா ஏற்பாட்டு குழுவினரே எடுத்து நடத்தினர்.

ஐபாவில் அருண்

இப்படி இருக்கின்ற நிலையில் ஜுன் மாதம் 3ஆம் திகதி முதலாவதாக ஐபாவின் உத்தியோகப்பூர்வ ஊடகவியலாளர் மாநாடு கொழும்பு சினமன் கிரேன்ட் நட்சத்திர விடுதியில் நடைபெற்றது.

அன்று முதலே ஊடகவியலாளராகிய எமக்கு பிரச்சினைகள் ஆரம்பமாயிற்று.

அன்றைய தினம் எமது கமராக்களை பொருத்துவதற்கு கூட இடம் இருக்கவில்லை. அத்துடன், வீடியோவை எடுத்துக்கொள்ள முடியாத நிலை.

பல்வேறு கஷ்டங்களின் மத்தியிலும் நாங்கள் எமது கடமைகளை சரிவர செய்து முடித்துவிட்டு அலுவலகத்திற்கு திரும்பினோம்.

நடிகர் நீல் நித்தின் முக்கேஷ்

மீண்டும் அலுவலகத்திலிருந்து சரியாக 4 மணியளவில் மீண்டும் கொழும்பின் மிக பிரபல்யமான நட்சத்திர விடுதியொன்றிற்கு வருமாறு ஊடகவியலாளர்களுக்கு அழைப்பு விடுக்கப்பட்டது.

அந்த அழைப்பை அடுத்து நாங்கள் அங்கு சென்றோம். அங்கு சென்றதும் தான் தெரிகிறது. பாதுகாப்பு காரணங்கள் கருதி சோதனை நடவடிக்கைகளை மேற்கொள்ளும் பொருட்டே எம்மை அழைத்தார்கள் என.

சோதனை நடவடிக்கைகள் முடிவடைந்த பின்னர் பஸ் ஒன்றில் ஏற்றி கொழும்பு பண்டாரநாயக்க சர்வதேச ஞாபகார்த்த மாநாட்டு மண்டபத்திற்கு எம்மை பொலிஸ் பாதுகாப்பின் மத்தியில் அழைத்து சென்றார்கள்.

அங்கு மீண்டும் எம்மை சோதனை செய்ய வேண்டும் என பொலிஸார் அழுத்தம் கொடுக்க பொலிஸாருக்கும் ஊடகவியலாளர்களுக்கும் இடையில் வாய்த்தர்க்கம் அதிகரித்து பின்னர் சோதனைகள் இன்றி உள்ளே செல்ல அனுமதி வழங்கினர்.

அப்படா பிரச்சினைகள் அனைத்து முடிவிற்கு வந்து விட்டது நிம்மதியாக உள்ளே சென்று நிகழ்ச்சிகளை பார்க்கலாம் என எண்ணத்துடன் உள்ளே சென்றால்............

ஊடகவியலாளர்களுக்காக ஒரு பகுதி.........

ஒரு வசதிகளும் இன்றி வெளியில்...........

கணினிவை வைக்க இடமில்லாத ஊடகவியலாளரொருவர் தரையில் கணினிவை வைத்து வேலை செய்கிறார்.

உட்கார்வதற்கு ஓர் இடமில்லை.... குடிப்பதற்கு தண்ணீர் இல்லை...... உண்ணுவதற்கு உணவில்லை......

இப்படியான பல இன்னல்களுக்கு மத்தியில் சுமார் 6 மணிநேரம்........ அன்றைய தினத்தை யாராலும் மறக்க முடியாது.......

அதனைத் தொடர்ந்து இரவு உணவு 11 மணிக்கு வழங்கப்பட்டு வீடு செல்லும் போது சுமார் அதிகாலை ஒரு மணியிருக்கும் மீண்டும் அடுத்த நாள்.......... 7 மணிக்கு அலுவலகத்தில்.......

அன்றைய தினம் கிரிக்கெட் சுற்றுப் போட்டி.......

அதற்கும் அப்படிதான் இருக்கும் என்ற அச்சத்தில் சென்ற எமக்கு ஒரு மாற்றம்.

மைதானத்திற்கு உள்ளேயே செல்ல அனுமதி வழங்கப்பட்டதுடன், போட்டிகளையும் மைதானத்தில் இருந்தவாறே கண்டு மகிழ முடிந்தது.

மனதிற்கு மகிழ்ச்சி...... முதல் நாள் சந்தித்த கஷ்டங்களுக்கு ஒரு பரிசு தான் ஐபா கிரிக்கெட் போட்டி.....

மைதானத்தில் சூரியன் எவ்.எம் செய்தி ஆசிரியர் கிருஸ்ணாவுடன் நடிகர் விவேக் ஒப்ரோய்!

உண்ணுவதற்கு உணவு எமக்கே, ஒரு அறை, என அனைத்தையும் வழங்கினர் ஐபா ஏற்பாட்டு குழுவினர்

ஆனால் அன்றைய தினமும் குடிநீரை மறந்து விட்டனர் ஐபா குழுவினர்.......

3ஆவது நாள் காலை முதல் வேலை ஆரம்பம்...............

காலை 9 மணி முதல் கொழும்பு சினமன் கிரேன்ட் நட்சத்திர விடுதியில் ஹிந்தி பட வெளியீடுகள் புத்தக வெளியீடு என பல்வேறு நிகழ்ச்சிகள் தொடர்ந்து மதியம் உணவும் வழங்கப்பட்டது.

இந்நிலையில் அனைவரும் எதிர்பார்த்த ஐபா விருது வழங்கும் வைபவம்.......

மீண்டும் அதே நட்சத்திர விடுதி, ஊடகவியலாளர்கள் சோதனை, மீண்டும் பஸ், பொலிஸ் பாதுகாப்பு, சுகததாஸ உள்ளகர அரங்கிற்கு பாதுகாப்பின் மத்தியில் அழைத்து செல்லப்பட்ட எமக்கு தனியே ஓர் இடம்.........

முக்கிய பிரமுகர்கள் வருகை தரும் வாயில்....... அருகில் எமக்கான இடம்..

இன்றைய தினமும் கடந்த 3 நாட்களை விட ஓர் மாறுதல் அதுதான் குடிநீர் போத்தல்கள் வழங்கப்பட்டன.

சுகததாஸ உள்ளக அரங்கில் நிகழ்ச்சிகளை பார்வையிடும் அருண்

ஒரு திருப்தி......... வருகை தந்த அனைத்து முக்கிய பிரமுகர்களிடமும் பேட்டிகளை பதிவு செய்து 9 மணிக்கு நிகழ்ச்சிகளை பார்க்க சென்று விட்டோம்.

நான் எனது இந்த பதிவில் சில விடயங்களை வெளியிடவில்லை. பல்வேறு கஷ்டங்களுக்கு மத்தியில் பதிவானது தான் எம்மால் வெளியிடப்பட்ட ஐபா செய்திகள்.........

ஒரு ஊடக நிறுவனத்திற்கு போட்டியாக இன்னுமொரு ஊடக நிறுவனம்.......

தனக்கு மாத்திரமே அவரது பேட்டி கிடைத்தால் போதும் என்ற எண்ணத்துடன் செயற்பட்ட அனைத்து ஊடகவியலாளர்களும் பாராட்டத்தக்கவர்கள்.

தான் கடமையாற்றும் நிறுவனத்திற்கான அயராது உழைத்த ஊடகவியலாளர்கள் நினைக்கும் போது மகிழ்ச்சி...... புரிந்துக் கொள்பவர்கள் புரிந்துக் கொண்டால் சரி....................

ஐபா நிகழ்வுகளின் போது இலங்கையிலுள்ள தமிழ் ஊடகங்களில் கடமையாற்றும் பலர் ஒன்று சேர்ந்திருந்தோம்.

சூரியன் கிருஸ்ணா, சக்தி ரஞ்ஜனி, வெற்றி அருண்

தினக்குரல் நிமல்ராஜ் மற்றும் வீரகேசரி கனகராஜா

அருணை சந்தித்தார் விவேக் ஒப்ராய்!

2010-06-02T18:06:00.006+05:30

சர்வதேச இந்திய திரைப்பட விழாவிற்கான அனைத்து ஏற்பாடுகளும் பூர்த்தியடைந்துள்ள நிலையில் இன்றைய தினம் அனைத்து ஹிந்தி திரையுலகத்தினரும் இலங்கைக்கு வந்துள்ளனர்.

விவேக் ஒப்ராயுடன் அருண்

சர்வதேச இந்திய திரைப்பட விழாவையடுத்து கொழும்பு தொடர்ச்சியாக ஊடகவியலாளர் சந்திப்புக்கள் இடம்பெற்று வருகின்றன.

இந்நிலையில் இன்றைய தினம் கொழும்பின் பிரபல விடுதியொன்றில் அனைத்து நடிகர்களும் தங்கியுள்ளனர்.

இப்படி இருக்கையில் நேற்றைய தினம் நடைபெற்ற ஊடகவியலாளர் சந்திப்பில் பல ஹிந்தி திரையுலகத்தினர் கலந்து கொண்டனர்.

விவேக் ஒப்ராய்

அதன்படி, விவேக் ஒப்ராய், ஜெக்லின் பெனார்ண்டே உள்ளிட்ட மேலும் பல திரையுலகத்தினர் கலந்து கொண்டனர்.

இதன்போது ஊடகங்களுக்கு கருத்து தெரிவித்த விவேக் ஒப்ராய் தென்னிந்திய திரையுலகத்தினர் இலங்கைக்கு நிச்சயம் வந்திருக்க வேண்டும் என தெரிவித்தார்.

அவர்கள் இலங்கைக்கு வருகை தராதது மனதிற்கு வேதனை அளிப்பதாகவும் அவர் குறிப்பிட்டார்.

மேலும் யுத்தத்தினால் பாதிக்கப்பட்டுள்ள மக்களுக்கு தனது பூரண ஒத்துழைப்பை வழங்கவுள்ளதாகவும் அவர் குறிப்பிட்டார்.

சர்வதேச இந்திய திரைப்பட விழாவிற்கு இன்னும் ஒரு நாள் மாத்திரமே எஞ்சியுள்ள நிலையில் விழாவிற்கான அனைத்து ஏற்பாடுகளும் பூர்த்தி என அரசாங்கம் அறிவித்துள்ளது.

இதனை முன்னிட்டு கொழும்பில் தற்போது பாதுகாப்பு நடவடிக்கைகள் பலப்படுத்தப்பட்டுள்ளதுடன் திரையுலகத்தினர் தங்கியுள்ள விடுதிக்கு அருகில் இன்று காலை முதல் வாகன நெரிசல் காணப்படுவதை எம்மால் அவதானிக்க முடிந்தது.

அதுமாத்திரமன்றி இந்நிகழ்விற்காக கொழும்பு தற்போது சிங்கப்பூராக மாறிவருகின்றமை மனதிற்கு சந்தேசத்தை தருகின்றது.

அப்படி என்றால் நாளை சர்வதேச இந்திய திரைப்பட விழா...............

இலங்கை பெயரளவில் நடாத்தும் IIFA-2010

2010-06-01T06:45:00.008+05:30

இலங்கையில் நடைபெறவுள்ள சர்வதேச இந்திய திரைப்பட விழா ஆரம்பமாக இன்னும் 2 நாட்கள் மாத்திரமே எஞ்சியுள்ளன.

இந்நிலையில் நேற்றைய தினம் சுற்றுலாத்துறை அமைச்சில் ஊடகவியலாளர் சந்திப்பொன்று நடைபெற்றது.

இந்த ஊடகவியலாளர் சந்திப்பில் பொருளாதார அபிவிருத்தி பிரதி அமைச்சர் லக்ஷ்மன் யாப்பா அபேவர்தன உள்ளிட்ட மேலும் பலர் கலந்து கொண்டனர்.

இதன்போது சர்வதேச இந்திய திரைப்பட விழா தொடர்பான பல்வேறு அறிவித்தல்கள் விடுக்கப்பட்டன.

இலங்கையில் நடைபெறவுள்ள இவ்விழாவிற்காக அரசாங்கத்தினால் சுமார் 400 மில்லியன் ரூபா செலவிடப்பட்டுள்ளதாக அமைச்சர் இதன்போது தெரிவித்தார்.

இதேவேளை இவ்விழாவிற்காக சுகததாஸ உள்ளக அரங்கில் 2700 ஆசனங்கள் ஒதுக்கப்பட்டுள்ளதாகவும் 2200 ஆசனங்கள் ஏற்கனவே வெளிநாட்டவர்களுக்காக ஒதுக்கப்பட்டுள்ளதாகவும் ஏற்பாட்டாளர்கள் இன்றைய ஊடகவியலாளர் சந்திப்பில் அறிவித்தனர்.

எஞ்சியுள்ள 500 ஆசனங்களில் 100 ஆசனங்கள் மாத்திரமே இலங்கையர்களுக்காக ஒதுக்கப்பட்டுள்ளதாக தெரிவித்த ஏற்பாட்டாளர்கள் அவற்றை பதிவு செய்பவர்களுக்கு மாத்திரமே வழங்கப்படும் எனவும் அவர் குறிப்பிட்டார்.

மிகுதியாக உள்ள 400 ஆசனங்களும் இலங்கையிலுள்ள விசேட அதிதிகளுக்காக ஒதுக்கப்பட்டுள்ளதாக தெரிவிக்கின்றனர் ஏற்பாட்டாளர்கள்.

அதேவேளை இலங்கையர்களுக்காக ஒதுக்கப்பட்டுள்ள 100 ஆசனங்களையும் வெளிநாட்டவர்கள் பதிவு செய்யும் பட்சத்தில் இலங்கையர்களுக்கு விழாவை கண்டுகளிக்க முடியாத நிலை ஏற்படும்.

சர்வதேச இந்திய திரைப்பட விழாவானது இலங்கையர்களை மையமாகக் கொண்டு நடாத்தப்படவில்லை என இன்றைய ஊடகவியலாளர் சந்திப்பில் மறைமுகமாக அறிவித்தனர்.

அது எப்படி என்றால் அபிவிருத்தி அடைந்துவரும் நாடுகளின் தனிநபர் வருமானத்தை பற்றி சொல்ல வேண்டிய அவசியம் இல்லை. காரணம் தமிழர்களாக பிறந்த எமக்கு அபிவிருத்தி அடைந்து வரும் நாடுகளின் கஷ்டங்களை உணரகூடிய வகையில் உள்ளமை யாரும் அறிந்ததே.

இந்நிலையில் இந்த விழாவிற்காக டிக்கட்களின் விலைகளை கேட்டால் தலை சுற்றி கீழே வீழ வேண்டிய விலை தான்.

பிரதான விருதின் பிலட்டினம் பெக்கேஜ் 10000 அமெரிக்க டொலர். (இலங்கை ரூபா மதிப்பின் படி சுமார் 11 லட்சம்)

பிரதான விருதின் கோல்ட் பெக்கேஜ் 3000 அமெரிக்க டொலர். (இலங்கை ரூபா மதிப்பின் படி சுமார் 3 லட்சத்து 50 ஆயிரம்)

பிரதான விருதின் சில்வர் பெக்கேஜ் 2500 அமெரிக்க டொலர். (இலங்கை ரூபா மதிப்பின் படி சுமார் 3 லட்சத்து)

எப்படி விலை.........

அத்துடன், சர்வதேச இந்திய திரைப்பட விழாவை முன்னிட்டு எதிர்வரும் 4ஆம் திகதி கிரிக்கெட் போட்டியொன்று எஸ்.எஸ்.சி மைதானத்தில் நடைபெறவுள்ளது.

இந்த போட்டியில் மூன்று அணிகள் பங்குபற்றவுள்ளன.

இதில் குமார் சங்கக்கார தலைமையிலான இலங்கை அணியும், பொலிவூட் நட்சத்திர நடிகர்களான சல்மன் கான், கிரித்திக் ரோஷன் ஆகியோர் தலைமையிலான இரு அணிகளும் இடம்பெறுகின்றன.

இந்த போட்டிக்கான டிக்கெட்கள் தற்போது விற்பனையில் உள்ளன.

இதற்கான டிக்கெட்டுகளை, இலங்கை கிரிக்கெட்டிலும், சுற்றுலாத்துறை விரிவாக்கற் பிரிவிலும், கொள்ளுப்பிட்டி இலக்கம் 113, 5வது ஒழுங்கையிலுள்ள டிக்கட் ஷொப்பிலும் பெற்றுக் கொள்ளலாம்.

டிக்கெட்டுகளுக்கான விலைகள் 1000/-, 3000/-, 4000/-, 5000/- மற்றும் 7500/- ஆகும்.

இது மாத்திரமே இலங்கையர்களுக்காக....... என கூறமுடியும்...

அத்துடன் சர்வதேச இந்திய திரைப்பட விழாவிற்காக இதுவரை 400 மில்லியன் ரூபாவினை அரசாங்கம் செலவிட்டுள்ளதாக பிரதி அமைச்சர் லக்ஷ்மன் யாப்பா அபேவர்தன குறிப்பிட்டார்.

இந்த தொகையினை 2012ஆம் ஆண்டிற்குள் பெற்றுக் கொள்ள முடியும் எனவும் அவர் நம்பிக்கை வெளியிட்டார்.

எனினும் இவ்வாறு அரசாங்கத்தால் செலவிடப்படும் தொகை மீள சர்வதேச இந்திய திரைப்பட குழுவினால் வழங்கப்படமாட்டாது என்பது குறிப்பிடத்தக்கது.

செலவிடப்படும் தொகைக்கு ஆப்பு தான்.........

இந்த சுமையும் எமது தலையில்..................... மேலும் தகவல்கள் எதிர்வரும் பதிவுகளில்...........

பாதிக்கப்பட்டவர்களுக்கு உதவிய திருப்தி! நன்றி நிர்ஷன் அண்ணா!

2010-05-19T20:53:00.006+05:30
இலங்கைக்கு சனிபகவானின் பார்வை கிடைத்துள்ளது போல.......

பல பிரச்சினைகளை எதிர்நோக்கிவரும் இலங்கை மக்களுக்கு தொடர்ந்தும் உயிர் அச்சுறுத்தல் விடுக்கப்பட்டு வந்த வண்ணமே உள்ளது.

கடந்த 30 வருடங்கள் இடம்பெற்ற மோதல்களினால் பல்லாயிரக்கணக்கான மக்கள் உயிரிழந்து வந்த நிலையில் இலங்கை மக்களுக்கு பெரும் அதிர்ச்சியை தரும் தாக்குதலாக 2004ஆம் ஆண்டு சுனாமி தாக்கியது.

இதனால் சுமார் 30 ஆயிரத்திற்கும் அதிகமானோர் உயிரிழந்து லட்சக்கணக்கானோர் பாதிக்கப்பட்டிருந்தனர்.

சுனாமியினால் பாதிக்கப்பட்ட பெரும்பாலான நகரங்கள் இன்னமும் இந்த தாக்குதலில் இருந்து மீளவில்லை.

இந்நிலையில் இறுதிக்கட்ட மோதலில் போது பல்லாயிரக்கணக்கான மக்கள் உயிரிழந்துள்ளதாக தெரிவிக்கப்படுகிறது.

இதுவும் இலங்கைக்கு கிடைத்த பெரும் தாக்குதல் தானே!

அப்படா இனி எந்தவொரு பிரச்சினையும் இல்லாம வாழலாம்.............

என நினைத்த போNது மீண்டும் இயற்கை இலங்கையை தாக்கியது தற்போது!

நினைக்காத அளவு ஒரு பெரிய தாக்குதல் தான் இலங்கைக்கு கிடைத்திருக்கு!

சுமார் 4 லட்சத்திற்கும் அதிகமானோர் பாதிக்கப்பட்டுள்ள இலங்கைக்கு விரைவில் மீண்டு வர முடியாத நிலை தற்போது ஏற்பட்டுள்ளது.

நாட்டின் பல பாகங்களையும் தாக்கி வரும் மழையுடன் கூடிய காலநிலை இன்னும் சில தினங்களுக்கு தொடரும் என நான் இன்று வளிமண்டலவியல் திணைக்களத்துடன் தொடர்புக் கொண்டு கேட்டப்போது தெரிவித்தனர்.

இந்நிலையில் இன்று எனக்கு ஒரு துக்கம் : ஒரு சந்தோஷம் கிடைத்த நாள்.

என்ன துக்கம்......

இன்று நான் பரீட்சையொன்று எழுதினேன்.... ஆனால் சரியான முறையில் எழுத கிடைக்கவில்லை.

இயற்கையின் சீற்றத்தினால் குறித்த நேரத்திற்கு பரீட்சைக்கு செல்ல முடியவில்லை...

ரொம்ப கவலையா இருந்தது.

ஆனால் வேலைக்கு வந்து சிறிது நேரத்தில் ஒரு எஸ்.எம்.எஸ்....

யாரு நம்ம நிர்ஷன் அண்ணா?

புதிய தொலைபேசி இலக்கத்திலிருந்து எனக்கு கோல் பண்ணுங்க அருண்...

இது தான் எஸ்.எம்.எஸ்.......

சரி கோல் பண்ணலாமுனு நினைக்கும் போது...... இன்னுமொரு கோல்.

யாரு என நினைச்சுக்கிட்டு ஆன்சர் பண்ணினா? வீரகேசரி!

உடனே நிர்ஷனுக்கு கோல் பண்ணுங்க அது தான் கோல்.......

சரினு கோல் பண்ணினா?

ரொம்ப முக்கியமாக விஷயம் அருண்...... என்ன அண்ணா.........

ஒரு செய்தியை தந்தாரு....

களுத்துறை – புலத்சிங்கல - மிரிஸ்ஹேண தோட்டத்தில் வெள்ள நீர் 30 அடி உயரத்திற்கு 3 நாட்கள இருக்கு...... 3 நாள் யாரும் இங்க வரல..... சாப்பிட கூட உணவு இல்லாத இருக்காங்க எதாவது செய்யனும்.. நான் அங்க தான் இருக்கேன்; எனக்கும் வெளியில் வர முடியல......

இது தான் அண்ணா தந்த செய்தி..

சரி அண்ணா ஏதாவது செய்யலாம் என சொல்லி அனர்த்த முகாமைத்துவ மத்திய நிலையத்திற்கும் ஏனைய இடங்களிற்கும் சுமார் 20ற்கும் அதிகமான தொலைபேசி அழைப்புக்களை மேற்கொண்டதன் விளைவாக அவர்களுக்கு உலக உணவு திட்டத்தினால் உணவு வழங்கப்படும் என உறுதியளிக்கப்பட்டது.

மனசுக்கு ரொம்ப திருப்தியா இருக்கு...

ஆர்.நிர்ஷன்

நான் அறிவிக்கும் வரை அப்படியொரு ஊர் பாதிக்கப்பட்டிருக்கும் விடயம் அவர்களுக்கு தெரியாது..

ரொம்ப ரொம்ப சந்தோஷம்......

27 பேர் உயிரிழந்த குறுந்தகவல் உண்மை என உறுதி!

2010-05-10T19:23:00.007+05:30
இலங்கையில் பரப்பரப்பை ஏற்படுத்திய குறுந்தகவல் உண்மைக்கு புறம்பானது என அறிவிக்கப்பட்டுள்ள நிலையில் அது உண்மை என தகவல்கள் வெளியாகியுள்ளன.

இந்த செய்தி சுமார் 3 வருடங்களுக்கு முன்னர் உத்தியோகப்பூர்வ ஆங்கில செய்தி இணையத்தளங்களில் வெளிவந்திருந்தன.

இலங்கையில் பரப்பரப்பை ஏற்படுத்திய செய்தியை தருகிறேன்!

Its very important news for all of you. Do not pick up calls from the Under given numbers. 9888308001, 9316048121,
9876266211, 9888854137, 9876715587 ,These numbers will come in red color, if the call comes up from these
numbers. Its with very high wave length, and frequency. If a call is received on mobile from these numbers, it creates a very high frequency and it causes brain ham range.
It's not a joke rather, its TRUE. 27 persons died just on receiving calls from these numbers. Watch Aaj Tak (NEWS), DD News and IBN 7.
Forward this message to all u'r friends and colleagues, and relative
குறித்த குறுந்தகவலிலுள்ள செய்தியில் குறிப்பிடப்பட்டுள்ள தொலைபேசி இலக்கங்களானது செய்மதி தொலைபேசிகளுக்கான இலக்கங்களே.

அது ஜி.எஸ்.எம் அல்லது 3-ஜி இணைப்புக்களுக்கான இலக்கங்கள் அல்ல!

அதனை நீங்களே உறுதி செய்துக் கொள்ள முடியும்! எப்படி என்றால் குறித்த குறுந்தகவிலுள்ள தொலைபேசி இலக்கங்களை உற்று நோக்கும் போது அதில் நாட்டிற்கான தொலைபேசி குறியீட்டு இலக்கம் இல்லை.

அவ்வாறு நாட்டிற்கான தொலைபேசி குறியீட்டு இலக்கங்கள் இல்லாத இலக்கங்கள் நிச்சயமாக செய்மதி தொலைபேசி இலக்கங்களே!

அத்துடன், அந்த குறுந்தகவில் குறிப்பிடப்பட்டுள்ளதை போன்றே 27 பேர் உயிரிழந்துள்ளதாக தெரிவிக்கப்படுகிறது.

இவர்கள் செய்மதி தொலைபேசியினூடாக குறித்த ஒரு நாளில் உரையாடிக்கொண்டிருக்கும் போது செய்மதியில் ஏற்பட்ட மாற்றம் காரணமாக அதிலிருந்து வெளிவரும் கதிரின் தாக்கம் அதிகரித்துள்ளதை அடுத்து இவர்கள் உயிரிழந்துள்ளதாகவும் தெரிவிக்கப்படுகிறது.

குறித்த நேரத்தில் உரையாடிக் கொண்டிருந்த தொலைபேசி இலக்கங்களினாலேயே இவர்கள் உயிரிழந்திருக்கக்கூடும் என சில வதந்திகள் அன்றைய தினம் எழுந்த நிலையில் அது சர்ச்சையை ஏற்படுத்தியது.

நிச்சயமாக இது நாங்கள் உபயோகிக்கும் ஜி.எஸ்.எம் அல்லது 3-ஜி தொலைபேசி இணைப்பல்ல, அதனால் எவ்வித அச்சமும் கொள்ள தேவையில்லை.

எனினும், அன்றைய காலப்பகுதியில் பெரும் சர்ச்சையை ஏற்படுத்தாத இந்த குறுந்தகவல் ஏன் தற்போது சர்ச்சையை ஏற்படுத்தியது என அனைவரது மனதிலும் ஓர் கேள்வி தோன்றுகின்றது அல்லவா?

சுமார் 3 வருடங்களுக்கு முன்னர் எனும் போது 2007ஆம் ஆண்டு!

2007ஆம் ஆண்டில் இலங்கையின் தொலைபேசி உபயோகம் மிகவும் குறைவாகவே காணப்பட்டது. அன்று இவ்வாறு பரவிய குறுந்தகவல் அனைவரையும் சென்றடைய முடியாத நிலை இருந்தது.

எனினும் தற்போது இலங்கையில் தொலைபேசி உபயோகிப்பவர்களது எண்ணிக்கை சுமார் 75 சதவீதத்திற்கும் அதிகம்.

அதனாலேயே இந்த குறுந்தகவலினால் இந்த செய்தி பெரும் சர்ச்சையை ஏற்படுத்தியது என்பது குறிப்பிடத்தக்க விடயம் ஆகும்.

இவ்வாறு பரவும் செய்திகளை ஆராய்ந்து பின்னர் அதற்கான முடிவுகளை எடுக்க வேண்டும் என்பதே சிறந்தது.

இதை கூறுவதற்கான காரணம் இந்த செய்தியை கேள்வியுற்ற பலர் தமது தொலைபேசிகளை விற்பனை செய்துள்ளமை சுவாரச்சியமான விடயம்!

எது எப்படியோ இவ்வேளையில் இலாபமாக தொலைபேசிகளை வாங்கியவர்களுக்கு அதிஷ்ட தேவதை கதவை தட்டியிருக்கின்றார் என்பது உண்மை தான்!

இலங்கைக்கு ஜி.எஸ்.பியை பெற்றுக் கொடுக்க ஹிந்தி திரையுலகம் முயற்சி!

2010-04-22T07:42:00.008+05:30
இலங்கையில் நடைபெறவுள்ள சர்வதேச இந்திய திரைப்பட விருது வழங்கும் வைபவம் அறிவிக்கப்பட்ட தினத்திலிருந்து பல்வேறு கருத்துக்கள் எழுந்த வண்ணம் உள்ளன.

எதிர்வரும் ஜுன் மாதம் 3ஆம், 4ஆம் மற்றும் 5ஆம் திகதிகளில் கொழும்பு – சுகததாசா உள்ளக அரங்கில் இந்த விருது வழங்கும் வைபவம் நடைபெறவுள்ளது.

சர்வதேச இந்திய திரைப்பட விருது வழங்கும் வைபவத்திற்கான ஊடகவியலாளர் மாநாடு கடந்த 20ஆம் திகதி கொழும்பு சினமன் கிரேன்ட் ஹேட்டலில் ஹிந்த திரைப்பட சுப்பர் ஸ்டார் அமிர்தா பச்சன் தலைமையில் நடைபெற்றது.

சர்வதேச இந்திய திரைப்பட விருது இலங்கையில் நடைபெறவுள்ளதாக அறிவிக்கப்பட்ட சில மணி நேரத்தின் பின்னர் இலங்கையில் பங்குச் சந்தையில் வளர்ச்சி காணப்பட்டது.

இலங்கையில் இவ்வாறான ஒரு பிரமாண்ட நிகழ்வொன்று நடைபெறுவதை அடுத்து உள்நாட்டிற்கு உல்லாச பிரயாணிகளின் வருகை அதிகரிக்கும் என்பதை கருத்திற் கொண்டே பங்குச் சந்தையின் வளர்ச்சியடைந்துள்ளது.

அத்துடன், ஜுன் மாதம் ஹேட்டல்கள் இப்போதே புக் செய்யப்பட்டுள்ளதாகவும் சில தகவல்கள் வெளியாகியுள்ளன.

இந்நிலையில் இன்று காலை சில இணையதளங்கள் ஒரு அதிர்ச்சியான செய்தியை வெளியிட்டிருந்தன.

இலங்கையில் கடந்த 30 வருடங்கள் இடம்பெற்ற யுத்தத்தின் போது மனித உரிமை மீறப்பட்டுள்ளதாக குற்றச்சாட்டப்பட்டுள்ளதையும், சர்வதேச இந்திய திரைப்பட விருதையும் இணைத்தே அந்த செய்தி வெளியாகியிருந்தது.

இலங்கையில் மனித உரிமை மீறப்பட்டுள்ளதாக கூறப்பட்டு நாட்டிற்கு வழங்கப்பட்டு வந்த ஜி.எஸ்.பி பிளஸ் வரிச்சலுகை தற்காலிகமாக இடைநிறுத்தப்பட்டுள்ளது.

இதனால் இலங்கை ஆடைக் கைத்தொழில் பாரிய வீழ்ச்சியை சந்தித்து வருகின்றமை யாரும் அறிந்ததே!

இதனால் பொருளாதார ரீதியிலும் இலங்கை பாரிய பின்னடைவை எதிர்நோக்கி வருகின்றது.

இவற்றை சரி செய்வதற்காகவே இம்முறை சர்வதேச இந்திய திரைப்பட விருதை இலங்கையில் நடாத்த இலங்கை அரசு முயற்சித்து ஹிந்தி திரையுலகை இலங்கைக்கு அழைத்துள்ளதாக தகவல்கள் வெளியாகியுள்ளன.

இவ்வாறு இலங்கைக்கு சமூகமளிக்கும் ஹிந்தி திரையுலகத்தினால் இலங்கையின் சுற்றுலா துறை அபிவிருத்தி அடைவதுடன், நாட்டின் பொருளாதாரம் நிலையாக நிலைக்கு கொண்டு வர முடியும் என்பதும் இதன் ஒரு முயற்சி எனவும் கருதலாம்.

எவ்வாறாயினும் இலங்கைக்கு நன்மை கிடைத்தால் அது யாவருக்கும் நலம்!

போலி சாமியர்களை அடையாளம் காட்டும் சன்!

2010-03-25T10:11:00.002+05:30

இறக்குவானை மீண்டும் புதுபொலிவுடன்!

2010-03-19T10:02:00.007+05:30
இலங்கையின் இரத்தினபுரி மாவட்டத்தில் இறக்குவானை நகரில் அருள்பாளிக்கும் ஸ்ரீமுத்துமாரியம்மன் ஆலயத்தின் புனர்நிர்மானப் பணிகள் நிறைவடைந்து எதிர்வரும் 22.03.2010 ஆம் திகதி கும்பாபிஷேகம் நடைபெற திருவருள் கூடியுள்ளது.

கடந்த வருடம் நடைபெறவருந்த ஸ்ரீமுத்துமாரியம்மன் ஆலயத்தின் மகோற்சவ நிகழ்வுகள் இலங்கையில் இடம்பெற்றுவந்த பிரச்சினைகள் காரணமாக திடீரென இடைநிறுத்தப்பட்டிருந்தமை யாரும் அறிந்ததே!

இவ்வாறு ஆலயத்தின் உற்சவங்கள் இடைநிறுத்தப்பட்டமை உலகம் முழுவதும் பரப்பரப்பாக பேசப்பட்டது.

அதனைத் தொடர்ந்து ஆலயத்தின் 12 வருடங்கள் பூர்த்தியடைந்துள்ள நிலையில் ஆலயத்தின் புனர்நிர்மானப்பணிகள் ஆரம்பமாகின.

அம்பாளின் திருவருளால் ஆலயத்தின் புனர்நிர்மானப் பணிகள் சுமார் 5 மாதக்காலப்பகுதிக்குள் நிறைவு பெற்று தற்போது ஆலயத்தின் கும்பாபிஷேகம் நடைபெறவுள்ளது.

ஆலயத்தின் புனர்நிர்மாணப் பணிகளுக்காக இந்தியாவிலிருந்து ஸ்தபதிகள் வரழைக்கப்பட்டு பல லட்ச ரூபா செலவின் இரத்தினபுரி மாவட்டத்திலேயே மிக பெரிய ஆலயம் என்ற பெருமையை சேரும் வகையில் ஆலயம் புனர்நிர்மாணிக்கப்பட்டுள்ளது.

நான்கு பக்கங்களும் மலையால் சூழப்பட்டு ஆலயத்திலிருந்து இடது பக்கமாக உள்ள மலையில் நீர் வீழ்ச்சி காணப்படும் மிக அழகான ஆலயம் என இலங்கையில் இந்த ஆலயத்தையே கூறமுடியும்.

பல வியப்பான சம்பவங்கள் தொடர்ந்து இடம்பெற்றுவரும் இந்த ஆலயத்தின் பெருமையை அங்குள்ள நாங்கள் கூறுவதை விட பக்தர்கள் என ரீதியில் நீங்களே நேரடியாக பார்த்தால் அதன் பெருமையை உணர்ந்துக் கொள்ள முடியும்.

அத்துடன், பல வருடங்களாக எமது ஆலயத்திற்கு இணையத்தளமொன்றை அமைக்க வேண்டும் என அவா அங்குள்ள இளைஞர்கள் மத்தியில் இருந்தது.

அது இவ்வருடம் நிறைவடைந்துள்ளது.

இணையத்தள முகவரி:-

http://www.rakwanasrimutthumariamman.com/

சாமியாரின் சாகசம்!

2010-03-04T08:26:00.000+05:30

சச்சினுக்கு பாரத ரத்னா விருது!

2010-03-04T08:02:00.004+05:30

இந்திய நட்சத்திர துடுப்பாட்ட வீரர் சச்சின் டெண்டுல்கார் “பாரத ரத்னா” விருது வழங்கி கௌரவிக்கப்படவுள்ளார்.

இதற்கான தீர்மானம் இந்திய நாடாளுமன்றில் நிறைவேற்றப்பட்டுள்ளதாக இந்திய ஊடகங்கள் செய்தி வெளியிட்டுள்ளன.

இந்தியாவிற்கு கிரிக்கெட் சுற்றுப் பயணம் மேற்கொண்டிருந்த தென்ஆபிரிக்க அணிக்கும், இந்திய அணிக்கும் இடையில் கடந்த மாதம் 24ஆம் திகதி நடைபெற்ற ஒரு நாள் சர்வதேச கிரிக்கெட் போட்டியில் சச்சின் டெண்டுல்கார் இரட்டை சதங்களை பெற்றார்.

ஒரு நாள் சர்வதேச கிரிக்கெட் போட்டியில் முதற்தடவையான இரட்டை சதங்களை பெற்ற வீரர் என்ற பெருமையை சச்சின் டெண்டுல்கார் அன்றைய தினம் தனதாக்கிக் கொண்டிருந்தார்.

இதற்காகவே இந்திய நட்சத்திர துடுப்பாட்ட வீரர் சச்சின் டெண்டுல்காருக்கு “பாரத ரத்னா” விருது வழங்க அந்நாட்டு அரசு தீர்மானித்துள்ளமை குறிப்பிடத்தக்கது.

சச்சினுக்கு அரசியல் வாழ்க்கை தேவையா?

2010-02-25T08:15:00.004+05:30
அனைவருமே தற்போது அரசியலில் ஈடுபடத் தொடங்கி விட்டனர். அப்படியிருக்கும் போது ஏன் சச்சின் மட்டும் அரசியலுக்கு பிரவேசிக்கக் கூடாது.

இந்தியாவை எடுத்துக் கொண்டால், ஏன் உலகத்தையே எடுத்துக் கொள்ளும் பட்சத்தில் முன்னணியில் திகழ்பவர்களின் சச்சினும் ஒருவர் தான்.

அனைத்து துறைகளிலும் உள்ளவர்கள் தேர்ந்தெடுத்து இறுதியில் பிரவேசிக்கம் ஒரு துறையாக அரசியல் மாறிவிட்டது.

இப்படியிருக்கும் போது நான் இறுதியாக வெளியிட்ட பதிவிலும் அதே கருப்பொருளைத் தான் வெளிப்படுத்தியிருந்தேன்.

சில திறமைகளை மாத்திரம் வைத்துக் கொண்டு அரசியலில் பிரவேசிக்கும் பலர் இருக்கும் போது சச்சினும் அரசியலில் ஈடுபட்டால் முன்னேற முடியுமா என்ற கேள்வி நேற்றைய தினம் தான் எனது மனதில் மிக ஆழமாக எழுந்தது.

ஏன் அந்த கேள்வி திடீரென எழுந்தது என்பது தானே உங்களின் முதலாவது கேள்வி.

சச்சின் டெண்டுல்கார் நேற்றைய தினம் புதிய சாதனையொன்றை ஒன்றை படைத்ததை அடுத்தே எனக்கு இந்த கேள்வி எழுந்தது.

ஒரு நாள் சர்வதேச கிரிக்கெட் போட்டியில் தனிநபரொருவர் பெற்ற அதிகூடிய ஒட்டமாக 200 ஒட்டங்களை ஆட்டமிழக்காது பெற்றிருந்தார்.

பல சாதனைகளை படைத்த சச்சின் தொடர்ந்தும் சாதனைகளை படைத்து வருகிறார்.

இந்நிலையில் அவர் அரசியலில் பிரவேசித்தால் அவரின் வாழ்க்கை நிச்சயம் கேள்வி குறித்தான்.

இப்படி விளையாட்டில் கழிப்பதே தனக்கும் நல்லது, ஏனையோருக்கும் நல்லது.

அரசியல் வேண்டாம். விளையோட்டே போதும் சச்சின்!

சச்சினுக்கு எனது வாழ்த்துக்கள்!

...இலங்கையின் அரசியல் விளையாட்டு....

2010-02-23T07:44:00.011+05:30
அரசியல் யுத்தத்தில் ஆரம்பித்து நடிப்பாக மாறி இராணுவத்திலிருந்து தற்போது விளையாட்டாகவும் மாறிவிட்டது.

இதில் எதை அடிப்பது?

என்னடா, இவன் எதை பற்றி சொல்லப் போறான் என தானே உள்ளம் கேட்கிறது. முதலாவது வசனத்திலேயே புரிந்துக் கொள்ள முடிந்திருக்கும் அல்லவா.

வேறு எதை பற்றி இலங்கையின் அரசியல் விளையாட்டுக்களை பற்றி தான்.

கடந்த காலங்களில் இடம்பெற்ற மாகாண சபை தேர்தல்களின் போது அரசியலில் நடிகர்களின் ஆதிக்கத்தை பார்த்து ரசித்து பின்னர் இராணுவ ஆட்டத்தை பார்த்து வந்த எமக்கு, மீண்டும் ரசிக்க வாய்ப்பு கிடைத்துள்ளது.

அரசியல் ஆட்டம் தொடருமா?

உண்மையிலேளே இலங்கை வாழ் நாங்கள் புன்னியம் செய்துள்ளோம் போல. அரசியல், யுத்தம், இராணுவம், விளையாட்டு, சினிமா உள்ளிட்ட அனைத்தையும் அனுபவிக்க கூடிய வாய்ப்பு தொடர்ந்து எமக்கு கிடைத்து வருகிறது.

மாகாண சபை தேர்தல்களில் சினிமா நடிகர்களின் நடிப்புத் திறமைகளை அரசியலில் பார்த்த எமக்கு, மாறுதலாக அரசியல் விளையாட்டையும் பார்க்க கூடிய சந்தர்ப்பம் கிடைத்துள்ளது.

எதிர்வரும் நாடாளுமன்ற தேர்தலில் போட்டியிடும் வேட்பாளர்களின் விபரங்களை பற்றி தான்.

நாடாளுமன்ற தேர்தலில் இலங்கையின் கிரிக்கெட் அணியின் நட்சத்திர துடுப்பாட்ட வீரர் சனத் ஜனசூரிய களமிறங்கியுள்ளதுடன்,

அப்போது அடிச்சாச்சு இனி?

இலங்கை கிரிக்கெட் அணியின் நட்சத்திர சுழற்பந்து வீச்சாளர் முத்தையா முரளிதரனும் அரசியல் காலடி வைக்க எண்ணியுள்ளார்.

அரசியலில் பந்து வீசுவது லேசா?

இலங்கை கிரிக்கெட் அணியின் முன்னாள் தலைவர் அர்ஜுன ரணதுங்க ஏற்கனவே அரசியலில் பிரவேசித்து பல்வேறு இன்னல்களை அனுபவித்து தற்போது வேறு கட்சிகளை நோக்கி தாவிக் கொண்டிருக்கிறார்.

அன்று நானும் அடிச்சேன். வாங்கடா..... வாங்க........

அன்று பந்தை சுழற்றி சுழற்றி அடித்தவர், இப்போது தன்னை தானே சுழற்றி சுழற்றி அடித்துக் கொள்கிறார்.

சொன்னது சரியா??

இந்த நிலையில், தற்போது இலங்கை கிரிக்கெட் அணியின் முன்னணி வீரர்களான சனத் ஜனசூரிய மற்றும் முத்தையா முரளிதரன் ஆகியோரும் பிரவேசிக்கவுள்ளனர்.

நாடாளுமன்றம் என்ன கிரிக்கெட் ஆடும் மைதானமா?

இவர்கள் எத்தனை நாளுக்கு தெரியவில்லை. இவர்களின் வாழ்க்கையில் எத்தனை கட்சிகள் தெரியவில்லை. அதற்கு நிச்சயம் எமக்கு பொறுமை வேண்டும் அல்ல. காத்திருப்போம் அவர்களின் கட்சி தாவல்களை பார்த்து ரசிக்க.

சரி, இலங்கை அரசியல் தற்போது கிரிக்கெட்டை மையமாக கொண்டு தான் இயங்குகிறது என நினைத்தால், அடுத்த அதிர்ச்சி.

இலங்கையின் முன்னணி ஒட்ட வீராங்களை சுசந்திகா ஜயசிங்க.

நாடாளுமன்றத்திலும் இப்படி ஓட முடியுமா?

அவரும் அரசியலில் பிரவேசிக்க ஆயத்தமாகிவிட்டார்.

இப்போது நாடாளுமன்றம் என்ன ஒடுவதற்கான மைதானமா?

எதிர்வரும் காலங்களில் இலங்கையின் நாடாளுமன்ற ஆட்சியில் அனுபவம் மிக்க அரசியல்வாதி என்ற ஒன்று இல்லாமல் போய்விடும்.

அத்துடன், நாடாளுமன்றின் அமைச்சர்களின் எண்ணிக்கையை குறைக்கவுள்ளதாக ஜனாதிபதி அறிவித்துள்ளார்.

அப்படி குறைத்தால் அனைத்து விளையாட்டு வீரர்களும் விரைவில் நாடாளுமன்றத்தை நோக்கி சென்று விடுவார்கள்.

இது நல்லா இருக்கே.......

எது எப்படி இருந்தாலும், எமக்கு ஓரே ஜாலி தான். (ஆப்பும் இருக்கு போல)

நீங்களும் ஹீரோவாக வேண்டுமா?

2010-02-16T07:08:00.006+05:30

எனது முன்னைய பதிவில் நான் தான் ஹீரோ? முதலில் அந்த வீடியோவை பார்த்து விட்டு. இந்த பதிவை வாசித்தால் மிக நல்லது என நான் நினைக்கிறேன்.

சரி எப்படி? அந்த பதிவில் வெளியிட்டுள்ள வீடியோவில் நான் தானே ஹீரோ.

இந்த வீடியோ பல நாட்கள் கஷ்டப்பட்டு, பணம் செலவீட்டு, மக்களை ஒன்று திரட்டி செய்ய வீடியோ அல்ல!

இது நான் சேர்த்த கூட்டம் இல்ல, தானா சேர்ந்த கூட்டம்...........

உங்களுக்கும் இதே கூட்டம் உள்ளது என்பது உங்களுக்கே தெரியாத உண்மை!

சரி இந்த வீடியோவின் ரகசியத்தை வெளியிடும் தருணம் இதுவென நினைக்கிறேன்.

ஒன்றும் இல்லை.

http://en.tackfilm.se

என்ற இணைய முகவரிக்கு பிரவேசியுங்கள்.

அங்கே உங்களுடைய புகைப்படமொன்றை கேட்டுக்கும் பட்சத்தில் அதே வழங்கினால்.

நீங்களும் ஹீரோ தான்!

செய்து பாருங்கள். நீங்கள் ஹீரோ ஆனதற்கு முதலில், முதலாவதாக எனது வாழ்த்துக்கள்!

இவ்வாண்டின் நாயகன் நான்!

2010-02-14T07:57:00.001+05:30

கையடக்கத் தொலைபேசியிலுள்ள வீடியோக்கள் ஒரு நொடியில் இணையத்தில்!...

2010-02-09T07:09:00.010+05:30
தொழிநுட்ப வளர்ச்சி என்பது நாளுக்கு நாள் வளர்ந்துவரும் ஓர் விடயமாகும்.

குறிப்பாக சொல்ல வேண்டுமானால் உலகம் இப்போது தொழில்நுட்பத்தின் கீழேயே உள்ளது.

இந்த நிலையில் நாளுக்கு நாள் வளர்ந்து வரும் தொழில்நுட்பத்தில் இணையம் மற்றும் கையடக்கத் தொலைபேசி ஆகியன முக்கிய இடங்களை வகிக்கின்றன.

இந்த இரண்டுமே தற்போது ஒன்றிணைந்து செயற்படுவதாகவும் கூறலாம்.

ஒரே வசனத்தில் சொல்ல வேண்டுமானால், “உலகம் கையில்”.

எதற்கு இவ்வளவு விளக்கம் என நினைக்கிறீங்களா?

சரி சொல்லுறேன்.

முன்னர் கையடக்கத் தொலைபேசியில் பதிவு செய்யப்படும் வீடியோ காட்சிகளை வயர்கள் அல்லது புலுடுத் ஊடாக கணனியில் சேமித்து வைத்தோம்.

இவ்வாறு கையடக்கத் தொலைபேசியில் உள்ள வீடியோக்களை கணனியில் சேமிக்க குறைந்தது சுமார் 10 நிமிடங்களாவது எடுத்தது அல்லவா?

ஆனால் இப்போது ஒரு நொடி போதும், கையடக்கத் தொலைபேசி வீடியோக்களை உடனடியாக கணனியில் மட்டுமல்ல உலகமே பார்க்க கூடியவாறு இணையத்தில் ஏற்ற முடியும்.

இதற்கு ஒரு நொடி மாத்திரமே நாம் செலவிட வேண்டியிருக்கும்.

எப்படி? என்பது தானே அடுத்து கேள்வி. இதோ விடை!

நீங்கள் வீடியோவை பதிவு செய்யும் போது உங்கள் கையடக்கத் தொலைபேசியில் GPRS சை செயற்படுத்தி இருப்பதே இதன் முக்கிய அம்சமாகும்.

முதலில் உங்கள் கணனியின் முன் அமர்ந்து என்ற இணையத்தில் உங்களை பதிவு செய்துக் கொள்ளுங்கள்.

நீங்கள், உங்களை பதிவு செய்துக் கொண்ட பின்னர் அடுத்த கட்டமாக கணனி திரையில் உங்கள் கையடக்கத் தொலைபேசியின் இலக்கத்தை பதிவு செய்துக் கொள்ளுங்கள்.

அடுத்த சில நிமிடங்களில் உங்கள் கையடக்கத் தொலைபேசிக்கு ஒரு குறுந்தகவல் (SMS) கிடைக்கப் பெறும்.

அதில் காணப்படும் இணைய முகவரிக்கு உங்கள் கையடக்கத் தொலைபேசியின் ஊடாக பிரவேசிக்க வேண்டும்.

அப்போது நீங்கள் பிரவேசிக்கும் இணைத்தளம் ஒரு கோப்பை கையடக்கத் தொலைபேசிக்கு பதிவிறக்கம் செய்ய கோறும்.

உடனடியாக பதிவிறக்கம் செய்துக் கொள்ளுங்கள்.

அவ்வாறு பதிவிறக்கம் செய்யப்படும் கோப்பானது மென்பொருளாக உங்கள் கையடக்கத் தொலைபேசியில் சேமிக்கப்படும்.

பின்னர் அந்த மென்பொருளின் ஊடாக உள்ளே பிரவேசிக்கும் போது, அங்கே கேட்கப்படும் பாவனையாளர் பெயர் மற்றும் கடவுச்சொல் ஆகியவற்றை வழங்க வேண்டும்.

அதையடுத்து ஒரு வீடியோ திரையொன்றை உங்கள் கையடக்கத் தொலைபேசியில் காணக்கூடியதாய் இருக்கும்.

பின்னர் அதனை Options பட்டனை கிளிக் செய்து வரும் மெனுவிலுள்ள broadcast என்ற சொல்லை கிளிக் செய்த உடன் வீடியோ செய்துக் கொள்ளமுடியும்.

அவ்வாறு வீடியோ செய்யப்படும் அனைத்து வீடியோ கோப்புக்களும் அடுத்த நொடியில் இணையத்திலுள்ள உங்கள் கணக்கில் சேமிக்கப்படும்.

எவ்வளவு இலகுவான விடயம். செய்து பாருங்கள்.

ஆங்கில எழுத்துக்கள் 26 – ஒரே வசனத்தில்!

2010-02-07T07:29:00.003+05:30
உங்களுக்கு தெரியுமா? ஒரே வசனத்தில் 26 ஆங்கில எழுத்துக்களும் வரும்.

அந்த வசனம் மாத்திரமே இன்றை எமது பதிவு.

இதோ....................

THE QUICK BROWN FOX JUMPS OVER THE LAZY DOG.

எழுத்துக்களை எண்ணி பார்த்து விட்டு, சரியாக இருந்தால் சொல்லவும். பிழையாக இருந்தாலும் சொல்லலாம்.

.....இலங்கை தமிழர் கையில்.....

2010-02-04T07:24:00.007+05:30
இலங்கையின் பெரும்பான்மை சமூகமாக தற்போது சிங்களவர்களே உள்ளனர்.

சிங்களவர்களின் கலை, கலாச்சார, பண்பாடுகள் மற்றும் மொழி பாவனை உள்ளிட்ட அனைத்து விடயங்களிலும் இலங்கை, சிங்களவர்களை மற்றும் சிங்கள மொழியை நாடிச் செல்ல வேண்டியது அவசியம் என்ற நிலையில் தற்போது உள்ளது.

குறிப்பாக வைபவங்கள், நிகழ்வுகள் போன்றவற்றிலும் முன்னுரிமை சிங்கள பண்பாட்டிற்கே வழங்கப்படுகின்றமை வழக்கமானதொன்றாகும்.

இந்த கலாச்சாரம் ஆரம்ப காலத்திலிருந்தே வந்தது என்று பலர் கூறி வந்தாலும், அது சில ஆண்டுகளுக்கு முன்பிருந்தே பின்பற்றப்பட்டு வந்தவொன்று என்பதை யாராலும் மறைக்கவோ? மறுக்கவோ முடியாது.

எப்படி நாட்டின் பெரும்பான்மை சிங்களவர்களை சார்ந்தது.

இலங்கையின் தேசிய தலைவர்கள் சுதந்திரத்திற்காக போராட்டங்களை மேற்கொண்டதன் விளைவாக 1948ஆம் ஆண்டு பெப்ரவரி மாதம் 04ஆம் திகதி இலங்கை சுதந்திரம் பெற்றதாக அறிவிக்கப்பட்டது.

இலங்கை சுதந்திரம் பெற்றதை தொடர்ந்து முதலாவது பிரதமராக D.S.சேனாநாயக்கவும், அவரை தொடர்ந்து அவரது மகனாக டட்லி சேனாநாயக்கவும் 1952ஆம் ஆண்டு காலக்கட்டம் வரை பிரதமர்களாக இருந்தனர்.

1956ஆம் ஆண்டு காலக்கட்டத்தில் S.W.R.D.பண்டாரநாயக்க பிரதமராக இருந்ததுடன், இலங்கையின் தேசிய மொழியாக சிங்கள மொழி பிரகடனப்படுத்தப்பட்டது.

இந்த பின்னரே சிங்கள மொழியில் ஆதிக்கம் இலங்கையில் வலுவடைந்துள்ளதாக வரலாறுகள் கூறுகின்றன.

அவரது மறைவைத் தொடர்ந்து 1959ஆம் ஆண்டு அவரது பாரியாரான சிறிமாவே பண்டாரநாயக்க பிரதமராக கடமையாற்றினார்.

1972ஆம் ஆண்டு மே மாதம் 22ஆம் திகதி சிலோன் என அழைக்கப்பட்டு வந்த இலங்கை, ஸ்ரீலங்கா என மாற்றம் பெற்றது. இலங்கையின் தேசிய கொடி மாற்றம் பெற்றதும் இவ்வாண்டிலேயே ஆகும்.

இதன்பின்னரே இலங்கையில் சிங்கள கலாச்சாரம் முக்கியத்துவம் வாய்ந்ததாக அனைவராலும் ஏற்றுக் கொள்ளப்பட்டுள்ளது.

மேலும், இலங்கை சுதந்திமடைவதற்கு முன்னர் இலங்கையில் பல தமிழ் மன்னர்கள் ஆட்சி புரிந்துள்ளதாகவும் வரலாறுகள் கூறுகின்றன.

சிங்களவர்கள் இலங்கையில் முக்கியத்துவம் பெறுவதற்கு முக்கிய காரணம் என கூற வேண்டியது தமிழர்களையே!

இதற்கு பல உதாரணங்களையும் குறிப்பிட முடியும்.

இலங்கையில் பழைய தேசிய கொடியும் தமிழர்களின் கலாச்சாரத்திலேயே இருந்தமை குறிப்பிடத்தக்க விடயம்.

இவை இலங்கையின் பழைய தேசிய கொடிகள்.

இப்படியே சிங்கள மொழி வலுவடைந்து, தற்போது இலங்கையின் பெரும்பான்மை என்ற அந்தஸ்தையும் சிங்களவர்கள் பெற்றுக் கொண்டுள்ளனர்.

மஹிந்த ராஜபக்ஷ எப்படி ஜனாதிபதி ஆனார்?

2010-01-28T08:40:00.009+05:30
பல்வேறு கருத்துக்கள் பல்வேறு மோதல்கள் பல்வேறு அழுத்தங்கள் என்ற பலவற்றையும் தாண்டி இன்று மீண்டும் ஜனாதிபதியாக மஹிந்த ராஜபக்ஷ தெரிவு செய்யப்பட்டுள்ளார்.

இவர் இலங்கையின் 5ஆவது நிறைவேற்று அதிகாரமுடைய ஜனாதிபதியாக பதவியை பெறுப்பேற்பதற்கு பல பாதைகளை கடந்த இன்று ஜனாதிபதியாக தொடர்ந்தும் இருக்க தெரிவாகியுள்ளார்.

1982ஆம் ஆண்டு ஜனாதிபதித் தேர்தல்.

1982ஆம் ஆண்டு ஒகஸ்ட் மாதம் 30ஆம் திகதி முதலாவது நிறைவேற்று அதிகாரமுடைய ஜனாதிபதித் தேர்தலுக்கான திகதி அறிவிக்கப்பட்டது.

இதன்படி, இந்த தேர்தலில் 81 லட்சத்து 45 ஆயிரத்து 15 பேர் வாக்களிக்க தகுதிப் பெற்றிருந்தனர்.

எனினும், இந்த தேர்தலில் 66 லட்சத்து 2 ஆயிரத்து 671 பேர் மாத்திரமே வாக்களித்துள்ளதுடன், 6 ஆயிரத்து 985 வாக்களிப்பு நிலையங்களில் இந்த தேர்தல் நடைபெற்றுள்ளது.

1982ஆம் ஆண்டு செப்டம்பர் மாதம் 17ஆம் திகதி காலை 8 மணி முதல் முற்பகல் 11 மணி வரை வேட்பு மனுத்தாக்கல் செய்வதற்கான திகதி.

இந்த தேர்தலில் மொத்தமாக 6 வேட்பாளர்கள் போட்டியிட்டனர்.

இலங்கையின் முதலாவது நிறைவேற்று அதிகாரமுடைய ஜனாதிபதித் தேர்தல் 1982ஆம் ஆண்டு ஒக்டோபர் மாதம் 20ஆம் திகதி நடைபெற்றது.

இந்த தேர்தலில் ஐக்கிய தேசியக் கட்சி சார்பில் போட்டியிட்ட ஜே.ஆர். ஜெயவர்தன 34 லட்சத்து 50 ஆயிரத்து 811 வாக்குகளை பெற்று இலங்கையின் முதலாவது நிறைவேற்று அதிகாரமுடைய ஜனாதிபதியாக தெரிவு செய்யப்பட்டார்.

அவரை எதிர்த்துஇலங்கை சுதந்திரக் கட்சி சார்பில் போட்டியிட்ட எச்.எஸ்.ஆர்.பீ. கோபேகடுவ 25 லட்சத்து 48 ஆயிரத்து 438 வாக்குகளை பெற்றார்.

1988ஆம் ஆண்டு ஜனாதிபதித் தேர்தல்.

1988ஆம் ஆண்டு ஒக்டோபர் மாதம் 21ஆம் திகதி 2ஆவது நிறைவேற்று அதிகாரமுடைய ஜனாதிபதித் தேர்தலுக்கான திகதி அறிவிக்கப்பட்டது.

இதன்படி, இந்த தேர்தலில் 93 லட்சத்து 75 ஆயிரத்து 742 பேர் வாக்களிக்க தகுதிப் பெற்றிருந்தனர்.

எனினும், இந்த தேர்தலில் 51 லட்சத்து 86 ஆயிரத்து 223 பேர் மாத்திரமே வாக்களித்துள்ளதுடன், 8 ஆயிரத்து 60 வாக்களிப்பு நிலையங்களில் இந்த தேர்தல் நடைபெற்றுள்ளது.

1988ஆம் ஆண்டு நவம்பர் மாதம் 10ஆம் திகதி காலை 9 மணி முதல் முற்பகல் 11 மணி வரை வேட்பு மனுத்தாக்கல் செய்வதற்கான திகதி.

இந்த தேர்தலில் மொத்தமாக 3 வேட்பாளர்கள் போட்டியிட்டனர்.

இலங்கையின் 2ஆவது நிறைவேற்று அதிகாரமுடைய ஜனாதிபதித் தேர்தல் 1988ஆம் ஆண்டு டிசம்பர் மாதம் 19ஆம் திகதி நடைபெற்றது.

இந்த தேர்தலில் ஐக்கிய தேசியக் கட்சி சார்பில் போட்டியிட்ட ரணசிங்க பிரேமதாஸ 25 லட்சத்து 69 ஆயிரத்து 199 வாக்குகளை பெற்று இலங்கையின் 2ஆவது நிறைவேற்று அதிகாரமுடைய ஜனாதிபதியாக தெரிவு செய்யப்பட்டார்.

அவரை எதிர்த்து இலங்கை சுதந்திரக் கட்சி சார்பில் போட்டியிட்ட சிறிமாவோ பண்டாரநாயக்க 22 லட்சத்து 89 ஆயிரத்து 960 வாக்குகளை பெற்றார்.

நிறைவேற்று அதிகாரமுடைய பதில் ஜனாதிபதி தெரிவு.

இலங்கையின் 2ஆவது நிறைவேற்று அதிகாரமுடைய ஜனாதிபதி ரணசிங்க பிரேமதாஸ 1993ஆம் ஆண்டு மே மாதம் முதலாம் திகதி தமிழீழ விடுதலைப் புலிகளின் தற்கொலை தாக்குதலுக்கு இலக்காகி உயிரிழந்ததை அடுத்து, 1993ஆம் ஆண்டு மே மாதம் 7ஆம் திகதி ஜனாதிபதித் தேர்தல் ஒன்றை நடத்தாது இலங்கையில் 3ஆவது நிறைவேற்று அதிகாரமுடைய பதில் ஜனாதிபதியாக டி.பி.விஜயதுங்க தெரிவு செய்யப்பட்டார்.

1994ஆம் ஆண்டு ஜனாதிபதித் தேர்தல்.

1994ஆம் ஆண்டு ஒகஸ்ட் மாதம் 17ஆம் திகதி 4ஆவது நிறைவேற்று அதிகாரமுடைய ஜனாதிபதித் தேர்தலுக்கான திகதி அறிவிக்கப்பட்டது.

இதன்படி, இந்த தேர்தலில் ஒரு கோடியே 9 லட்சத்து 45 ஆயிரத்து 65 பேர் வாக்களிக்க தகுதிப் பெற்றிருந்தனர்.

எனினும், இந்த தேர்தலில் 77 லட்சத்து 13 ஆயிரத்து 232 பேர் மாத்திரமே வாக்களித்துள்ளதுடன், 9 ஆயிரத்து 580 வாக்களிப்பு நிலையங்களில் இந்த தேர்தல் நடைபெற்றுள்ளது.

1994ஆம் ஆண்டு ஒக்டோபர் மாதம் 7ஆம் திகதி காலை 9 மணி முதல் முற்பகல் 11 மணி வரை வேட்பு மனுத்தாக்கல் செய்வதற்கான திகதி.

இந்த தேர்தலில் மொத்தமாக 6 வேட்பாளர்கள் போட்டியிட்டனர்.

இலங்கையின் 4ஆவது நிறைவேற்று அதிகாரமுடைய ஜனாதிபதித் தேர்தல் 1994ஆம் ஆண்டு நவம்பர் மாதம் 9ஆம் திகதி நடைபெற்றது.

இந்த தேர்தலில் சந்திரகா பண்டாரநாயக்க குமாரதுங்க 47 லட்சத்து 9 ஆயிரத்து 205 வாக்குகளை பெற்று இலங்கையின் 4ஆவது நிறைவேற்று அதிகாரமுடைய ஜனாதிபதியாக தெரிவு செய்யப்பட்டார்.

அவரை எதிர்த்து போட்டியிட்ட வஜிர சிறிமத்தி திஸாநாயக்க 27 லட்சத்து 15 ஆயிரத்து 285 வாக்குகளை பெற்றார்.

1999ஆம் ஆண்டு ஜனாதிபதித் தேர்தல்.

1999ஆம் ஆண்டு ஒக்டோபர் மாதம் 28ஆம் திகதி 5ஆவது நிறைவேற்று அதிகாரமுடைய ஜனாதிபதித் தேர்தலுக்கான திகதி அறிவிக்கப்பட்டது.

இதன்படி, இந்த தேர்தலில் ஒரு கோடியே 17 லட்சத்து 79 ஆயிரத்து 200 பேர் வாக்களிக்க தகுதிப் பெற்றிருந்தனர்.

எனினும், இந்த தேர்தலில் 86 லட்சத்து 35 ஆயிரத்து 290 பேர் மாத்திரமே வாக்களித்துள்ளதுடன், 9 ஆயிரத்து 912 வாக்களிப்பு நிலையங்களில் இந்த தேர்தல் நடைபெற்றுள்ளது.

1999ஆம் ஆண்டு நவம்பர் மாதம் 16ஆம் திகதி காலை 9 மணி முதல் முற்பகல் 11 மணி வரை வேட்பு மனுத்தாக்கல் செய்வதற்கான திகதி.

இந்த தேர்தலில் மொத்தமாக 13 வேட்பாளர்கள் போட்டியிட்டனர்.

இலங்கையின் 5ஆவது நிறைவேற்று அதிகாரமுடைய ஜனாதிபதித் தேர்தல் 1999ஆம் ஆண்டு டிசம்பர் மாதம் 21ஆம் திகதி நடைபெற்றது.

இந்த தேர்தலில் சந்திரகா பண்டாரநாயக்க குமாரதுங்க 43 லட்சத்து 12 ஆயிரத்து 157 வாக்குகளை பெற்று இலங்கையின் நிறைவேற்று அதிகாரமுடைய ஜனாதிபதியாக தொடர்ந்தும் பதவி வகித்தார்.

அவரை எதிர்த்து போட்டியிட்ட ரணில் விக்ரமசிங்க 36 லட்சத்து 2 ஆயிரத்து 748 வாக்குகளை பெற்றார்.

2005ஆம் ஆண்டு ஜனாதிபதித் தேர்தல்.

2005ஆம் ஆண்டு செப்டெபர் மாதம் 19ஆம் திகதி 5ஆவது நிறைவேற்று அதிகாரமுடைய ஜனாதிபதித் தேர்தலுக்கான திகதி அறிவிக்கப்பட்டது.

இதன்படி, இந்த தேர்தலில் ஒரு கோடியே 33 லட்சத்து 27 ஆயிரத்து 160 பேர் வாக்களிக்க தகுதிப் பெற்றிருந்தனர்.

எனினும், இந்த தேர்தலில் 98 லட்சத்து 26 ஆயிரத்து 778 பேர் மாத்திரமே வாக்களித்துள்ளதுடன், 10 ஆயிரத்து 748 வாக்களிப்பு நிலையங்களில் இந்த தேர்தல் நடைபெற்றுள்ளது.

2005ஆம் ஆண்டு செப்டெம்பர் மாதம் 7ஆம் திகதி காலை 9 மணி முதல் முற்பகல் 11 மணி வரை வேட்பு மனுத்தாக்கல் செய்வதற்கான திகதி.

இந்த தேர்தலில் மொத்தமாக 13 வேட்பாளர்கள் போட்டியிட்டனர்.

இலங்கையின் 5ஆவது நிறைவேற்று அதிகாரமுடைய ஜனாதிபதித் தேர்தல் 2005ஆம் ஆண்டு நவம்பர் மாதம் 17ஆம் திகதி நடைபெற்றது.

இந்த தேர்தலில் மஹிந்த ராஜபக்ஷ 48 லட்சத்து 87 ஆயிரத்து 152 வாக்குகளை பெற்று இலங்கையின் 5ஆவது நிறைவேற்று அதிகாரமுடைய ஜனாதிபதியாக தெரிவு செய்யப்பட்டார்.

அவரை எதிர்த்து போட்டியிட்ட ரணில் விக்ரமசிங்க 47 லட்சத்து 6 ஆயிரத்து 366 வாக்குகளை பெற்றார்.

2010ஆம் ஆண்டு ஜனாதிபதித் தேர்தல்.

மஹிந்த ராஜபக்ஷவின் ஜனாதிபதி பதவி காலம் நிறைவடைய இன்னும் இரு ஆண்டுகள் உள்ள நிலையில் 6ஆவது நிறைவேற்று அதிகாரமுடைய ஜனாதிபதியை தெரிவு செய்வதற்கான ஜனாதிபதித் தேர்தல் திகதி அறிவிக்கப்பட்டது.

இதன்படி, இந்த தேர்தலில் 1 கோடியே 40 லட்சத்து 88 ஆயிரத்து 500 பேர் வாக்களிக்கத் தகுதி பெற்றனர்.

எனினும், இந்த தேர்தலில் ஒரு கோடியே 4 லட்சத்து 95 ஆயிரத்து 451 பேர் மாத்திரமே வாக்களித்தனர்.

2009ஆம் ஆண்டு டிசம்பர் மாதம் 17ஆம் திகதி காலை 9 மணி முதல் முற்பகல் 11 மணி வரை வேட்பு மனுத்தாக்கல் செய்வதற்கான திகதி.

இந்த தேர்தலில் மொத்தமாக 23 வேட்பாளர்கள் போட்டியிட்டனர்.

இலங்கையின் 6ஆவது நிறைவேற்று அதிகாரமுடைய ஜனாதிபதித் தேர்தல் 2010ஆம் ஆண்டு ஜனவரி மாதம் 26ஆம் திகதி நடைபெற்றது.

இந்த தேர்தலில் மஹிந்த ராஜபக்ஷ 60 லட்சத்து 15 ஆயிரத்து 934 வாக்குகளை பெற்று இலங்கையின் 5ஆவது நிறைவேற்று அதிகாரமுடைய ஜனாதிபதியாக தொடர்ந்தும் பதவி வகிக்க தகுதிப் பெற்றார்.

அவரை எதிர்த்து போட்டியிட்ட எதிர்கட்சிகளின் பொது வேட்பாளர் ஜெனரல் சரத் பொன்சேகா 41 லட்சத்து 73 ஆயிரத்து 185 வாக்குகளை பெற்றார்.

பிரசாரத்தில் உலகை வென்றது இலங்கை

2010-01-14T12:38:00.005+05:30

உலகின் அனைத்து நாடுகளிலும் பல்வேறு விதமான தேர்தல்கள் நடைபெற்று வந்தன. வருகின்றன.

இலங்கையில் எதிர்வரும் 26ஆம் திகதி நடைபெறவுள்ள ஜனாதிபதி தேர்தல் போன்ற ஒரு தேர்தலை பல நாடுகள் சந்தித்திருந்தாலும், இது போன்றதொரு தேர்தலை நிச்சயம் சந்தித்திருக்க மாட்டார்கள் என்றே கூறவேண்டும்.

ஜனாதிபதியின் சார்பாக இருந்த ஒருவரே அவருக்கு எதிராக போட்டியிடுவதே இந்த தேர்தலின் பிரகாசமான விடயம்.

சரி, தலைப்பை பற்றி சற்று பார்ப்போம்.

உலகில் கடந்த காலங்களில் இடம்பெற்ற தேர்தல்களில் பிரசார நடவடிக்கைகள் இருந்த போதிலும், இப்படியான ஒரு பிரசார நடவடிக்கையை நாம் பார்த்ததில்லை. குறிப்பாக கூறினார் தேர்தல் அறிவிக்கப்படுவதற்கு முன்பே பிரசார நடவடிக்கைகள் ஆரம்பித்து விட்டன.

உலகின் வல்லரசு நாடான அமெரிக்காவில் இடம்பெற்ற ஜனாதிபதி தேர்தலின் போது கூட இவ்வாறான தேர்தல் பிரசாரங்கள் இருக்கவில்லை.

இன்று கணனியில் அமர்ந்து இணையத்தை தட்டினால் சர்வதேச இணையத்தளத்திலிருந்து உள்நாட்டு இணையத்தளம் வரை இலங்கை தேர்தல் தொடர்பான பிரசாரங்கள்.

உலகின் முன்னணி அனைத்து இணையத்தளங்களிலும் இலங்கை தேர்தல் வேட்பாளர்களின் பிரசாரங்களே காணக்கூடியதாய் உள்ளது.

தற்போதைய ஜனாதிபதி மஹிந்த ராஜபக்ஷ, ஜெனரல் சரத் பொன்சேகா உள்ளிட்ட அனைவரது பிரசாரங்களும் பார்க்கும் அனைத்து இணையத்தளங்களிலும் பிரசுரிக்கப்பட்டுள்ளன.

நான் நினைக்கிறேன், இவ்வாறான ஒர் தேர்தல் பிரசாரத்தை மேற்கொள்வது இதுவே முதற்தடவை என.

இப்படியெல்லாம் தேர்தல் பிரசாரங்களை மேற்கொண்டு வெற்றி பெறாவிட்டால்?

இலங்கை தேர்தல் களத்தில் சூடு.

2010-01-12T08:17:00.008+05:30
நீண்ட நாட்களுக்கு பின்னர் பதிவிற்கு வருகிறேன். மன்னிக்கவும் வேலைகள் அதிகம்.

சரி, எதை பற்றி எழுதுவது என நினைத்தால் ஞாபகத்திற்கு வருபது இலங்கையின் அரசியல் களம்.

6ஆவது நிறைவேற்று அதிகாரமுடைய ஜனாதிபதியை தெரிவு செய்வதற்காக எதிர்வரும் 26ஆம் திகதி இலங்கையில் ஜனாதிபதி தேர்தல் நடைபெறுவதற்கான அனைத்து ஏற்பாடுகளும் நிறைவடைந்துள்ள நிலையில், இன்று தபால் மூல வாக்களிப்புக்களும் ஆரம்பமாகிவிட்டன.

இந்த வாக்களிப்பு நடவடிக்கைகள் இரண்டு நாட்களுக்கு தொடரும்.

இதேவேளை, ஜனாதிபதி தேர்தல் திகதி அறிவிக்கப்பட்ட திகதியிலிருந்து வன்முறைச் சம்பவங்களின் எண்ணிக்கையில் அதிகரித்த வண்ணமே உள்ளன.

நாளொன்றில் தேர்தல் பிரசார கூட்டங்களை விட வன்முறைச் சம்பவங்களே அதிகளவில் இடம்பெறுகின்றன.

இலங்கையின் ஜனாதிபதி தேர்தல் வரலாற்றில் முதன் முறையாக அதிகளவிலான வேட்பாளர்கள் களமிறங்கியுள்ளனர். இதன்படி, 22 வேட்பாளர்கள் இம்முறை தேர்தல் களத்தில் இறங்கியுள்ளனர்.

இம்முறை தேர்தல் களத்திலுள்ள வேட்பாளர்களின் விபரங்கள்

• மஹிந்த ராஜபக்ஷ - ஐக்கிய மக்கள் சுதந்திர கூட்டமைப்பு
• சரத் பொன்சேகா - புதிய ஜனநாயக முன்னணி
• சிறிதுங்க ஜெயசூரிய - ஐக்கிய சோசலிஸக் கட்சி
• M.P..நமுனுமுல்ல - அனைவரும் மக்கள் அனைவரும் மன்னர்
• சரத் மனமேந்திர - புதிய சிஹல உறுமய
• அச்சல சுரவீர - தேசிய அபிவிருத்தி முன்னணி
• அநுர லியனகே - தொழிலாளர் கட்சி
• வண.பத்தரமுல்ல சீலரட்ண தேரர் - ஜனசெத முன்னணி
• விக்ரமபாகு கருணாரட்ண - இடதுசாரி முன்னணி
• விஜய டயஸ் - சோசலிச சமத்துவக் கட்சி
• சரத் கொன்காஹே - ஐக்கிய தேசிய மாற்று முன்னணி
• K.G.R.L.பெரோ - நமது தேசிய முன்னணி
• M.C.M. ஸ்மயில் - ஜனநாயக ஐக்கிய தேசிய முன்னணி
• ஒஸ்வால்ட் சொய்ஸா - ருகுணா ஜனதா கட்சி
• சரத் பின்னடுவ - தேசிய கூட்டமைப்பு.
• செனரட்ண சில்வா - தேசப்பற்றுள்ள தேசிய கூட்டமைப்பு.
• சுகத்சிறி கமகே - ஐக்கிய ஜனநாயக முன்னணி
• M.K.சிவாஜிலிங்கம் - சுயேட்சை
• I.M. இலியாஸ் - சுயேட்சை
• மயோன் முஸ்தப்பா - சுயேட்சை
• U.B.விஜயகோண் - சுயேட்சை
• V.மஹிமன் ரஞ்சித் - சுயேட்சை

இதேவேளை, இம்முறை தேர்தலில் வாக்களிக்க தகுதிப் பெற்றவர்கள் தொடர்பான விபரங்களை திரட்டினால்.

2008ஆம் ஆண்டின் வாக்காளர் இடாப்பின்படி நடைபெறவுள்ள ஜனாதிபதித் தேர்தலில் நாடு முழுவதிலும் 1 கோடியே 40 லட்சத்து 88 ஆயிரத்து 500 பேர் வாக்களிக்கத் தகுதி பெற்றுள்ளனர்.

மாகாண அடிப்படையில் மேல் மாகாணத்தின் கொழும்பு மாவட்டத்தில் 15 லட்சத்து 21 ஆயிரத்து 854 பேரும், கம்பஹா மாவட்டத்தில் 14 லட்சத்து 74 ஆயிரத்து 464 பேரும், களுத்துறை மாவட்டத்தில் 8 லட்சத்து 13 ஆயிரத்து 233 பேரும் வாக்களிக்க தகுதி பெற்றுள்ளனர்.

மத்திய மாகாணத்தின் கண்டி மாவட்டத்தில் 9 லட்சத்து 70 ஆயிரத்து 456 பேரும், நுவரெலிய மாவட்டத்தில் 4 லட்சத்து 57 ஆயிரத்து 137 பேரும், மாத்தளை மாவட்டத்தில் 7 லட்சத்து 42 ஆயிரத்து 684 பேரும் வாக்களிக்கத் தகுதி பெற்றுள்ளனர்.

மேலும், வன்னி மாவட்டத்தில் 2 லட்சத்து 66 ஆயிரத்து 975 பேர் வாக்களிக்கத் தகுதி பெற்றுள்ளனர்.

யாழ். மாவட்டத்தில் 7 லட்சத்து 21 ஆயிரத்து 359 பேர் வாக்களிக்கத் தகுதி பெற்றுள்ளனர்.
கிழக்கு மாகாணத்தின் மட்டக்களப்பு மாவட்டத்தில் 3 லட்சத்து 23 ஆயிரத்து 644 பேரும், திருகோணமலை மாவட்டத்தில் 2 லட்சத்து 41 ஆயிரத்து 133 பேரும், அம்பாறை மாவட்டத்தில் 4 லட்சத்து 20 ஆயிரத்து 835 பேரும் வாக்களிக்கத் தகுதி பெற்றுள்ளனர்.

வடமேல் மாகாணத்தின் புத்தளம் மாவட்டத்தில் 4 லட்சத்து 95 ஆயிரத்து 575 பேரும், குருநாகல் மாவட்டத்தில் 11 லட்சத்து 83 ஆயிரத்து 649 பேரும் வாக்களிக்கத் தகுதி பெற்றுள்ளனர்.

ஊவா மாகாணத்தின் பதுளை மாவட்டத்தில் 5 லட்சத்து 74 ஆயிரத்து 814 பேரும், மொனராகலை மாவட்டத்தில் 3 லட்சத்து 642 பேரும் வாக்களிக்கத் தகுதி பெற்றுள்ளனர்.

சப்ரகமுவ மாகாணத்தின் இரத்தினபுரி மாவட்டத்தில் 7 லட்சத்து 34 ஆயிரத்து 651 பேரும், கேகாலை மாவட்டத்தில் 6 லட்;சத்து 13 ஆயிரத்து 938 பேரும் வாக்களிக்கத் தகுதி பெற்றுள்ளனர்.

வட மத்திய மாகாணத்தின் அநுராதபுரம் மாவட்டத்தில் 5 லட்சத்து 79 ஆயிரத்து 261 பேரும், பொலன்னறுவை மாவட்டத்தில் 2 லட்சத்து 80 ஆயிரத்து 337 பேரும் வாக்களிக்கத் தகுதி பெற்றுள்ளனர்.

அத்துடன், தென் மாகாணத்தின் காலி மாவட்டத்தில் 7 லட்சத்து 61 ஆயிரத்து 715 பேரும், ஹம்பாந்தோட்டை மாவட்டத்தில் 4 லட்சத்து 21 ஆயிரத்து 186 பேரும், மாத்தறை மாவட்டத்தில் 5 லட்சத்து 78 ஆயிரத்து 758 பேரும் வாக்களிக்கத் தகுதி பெற்றுள்ளனர்.

மும்பைத் தாக்குதலுக்கு ஒரு வயசு!

2009-11-26T08:53:00.003+05:30
தீவிரவாதிகள் பல்வேறு குறிக்கோள்களை வைத்து உலகின் பல்வேறு நாடுகளிலும் தாக்குதல்களை மேற்கொண்டு வருகின்றனர்.

உலகில் தற்போது நிலைக் கொண்டுள்ள தீவிரவாதிகளில் மிக அச்சுறுத்தல் மிக்க தீவிரவாத அமைப்புக்கள் என்றால் அது ஆப்கானிஸ்தான், பாகிஸ்தான், ஈராக் போன்ற நாடுகளிலேயே உள்ளன.

இந்த நாடுகளில் நிலைக் கொண்டுள்ள தீவிரவாத அமைப்புக்களினால் அந்த நாட்டிற்கு மட்டுமின்றி உலகில் பல நாடுகளுக்கு அவர்கள் அச்சுறுத்தல்களை விடுத்து வருகின்றனர்.

இவ்வாறு உலகிலுள்ள தீவிரவாத அமைப்புக்களில் நம்பர் வன் என கூறக்கூடிய தலிபான்களினால் 2001ஆம் ஆண்டு செப்டம்பர் மாதம் 11ஆம் திகதி அமெரிக்காவில் தாக்குதல் மேற்கொள்ளப்பட்டது.

இந்த தாக்குதலினால் சுமார் 2 ஆயிரத்து 700ற்கும் அதிகமானோர் பலியானதுடன், பல்லாயிரக்கணக்கானோர் காயமடைந்திருந்தனர்.

2001ஆம் ஆண்டு அமெரிக்காவில் தீவிரவாதிகள் மேற்கொண்ட இந்த பாரிய தாக்குதலின் தாக்கத்தினால் அமெரிக்கா இன்றும் தலைதூக்க முடியாத நிலைக்கு தள்ளப்பட்டுள்ளது.

அமெரிக்காவில் ஏற்பட்டுள்ள பொருளாதார பிரச்சினைக்கு இதுவே காரணம் எனவும் கண்டறியப்பட்டுள்ளது.

இதனால் இன்றும் அமெரிக்கா வேலையிண்மை பிரச்சினை, நிதி பற்றாக்குறை உள்ளிட்ட மனித அடிப்படை பிரச்சினைகள் பலவற்றிற்கு முகம்கொடுத்து வருகின்றது.

உலகின் வல்லரசு நாட்டிற்கே தீவிரவாத தாக்குதலை தாங்கிக் கொள்ள முடியவில்லை என்றால் எமது நாடுகளை போன்ற நாடுகள் எவ்வாறு அவற்றை தாங்கிக் கொள்வது.

இப்படி நான் கூறவரும் விடயம் என்னவென நிச்சயம் தெரிந்திருக்க கூடும்.

சரியாக ஒரு வருடத்திற்கு முன்னர், ஆசியாவில் நிலைக்கொண்டுள்ள தீவிரவாத குழுவொன்றினால் இந்திய – மும்பை நகரில் மேற்கொள்ளப்பட்ட தீவிரவாத தாக்குதல்.

அன்று நான் இந்த துறைக்கு வந்து சில மாதங்களே! ஊடகத்துறைக்கு வந்து இப்படியாக தாக்குதலை சந்தித்த முதலாவது அனுபவம். (வாழ்க்கையில் இந்த அனுபவத்தை மறக்க மாட்டேன்)

2008ஆம் ஆண்டு நவம்பர் மாதம் 26ஆம் திகதி அன்று இரவு 10 மணியளவில் மும்பை நகரை தீவிரவாதிகள் தமது கட்டுப்பாட்டிற்குள் கொண்டு வந்தனர்.

மும்பை நகரின் மக்கள் செறிந்துள்ள சுமார் 8 இடங்களை இலக்கு வைத்து தாக்குதல் மேற்கொண்டனர்.

தெற்கு மும்பையில் சத்ரபதி சிவாஜி ரயில் நிலையம், ஓபராய், தாஜ் ஓட்டல்கள் உள்பட 8 முக்கிய இடங்களிலேயே தீவிரவாதிகள் தாக்குதல் மேற்கொண்டனர்.

இவ்வாறு மேற்கொள்ளப்பட்ட தாக்குதல்களின் மூலம் தாஜ் ஓட்டலை தமது கட்டுப்பாட்டிற்குள் கொண்டு வந்த தீவிரவாதிகள் சுமார் 3 நாட்கள் உலகையே ஆட்டிப்படைத்தனர்.

உலகின் அனைத்து நாடுகளையும் தமது பக்கத்திற்கு திரும்பி பார்க்க வைத்தனர் அந்த தீவிரவாதிகள்.

2004ஆம் ஆண்டு டிசம்பர் மாதம் 26ஆம் திகதி ஆசியாவை ஆட்டிப்படைத்த சுனாமியை தொடர்ந்து மீண்டும் ஆசியாவை ஆட்டிப்படைத்த ஒரு கொடூர சம்பவம் இது.

இந்த தாக்குதல் சம்பவத்தில் சுமார் 174 பேர் உயிரிழந்துள்ளதாக உத்தியோகப்பூர்வ தகவல்கள் தெரிவிக்கின்ற போதிலும், 200ற்கும் மேற்பட்டோர் உயிரிழந்துள்ளதாக உத்தியோகப்பற்றற்ற தகவல்கள் தெரிவிக்கின்றன.

மேலும், இதன்போது 500ற்கும் மேற்பட்டோர் காயமடைந்திருந்தனர். இவ்வாறு இந்த சம்பவத்தில் பாதிக்கப்பட்டவர்களில் இன்னும் சிலர் அதிலிருந்து மீளவில்லை என இந்திய தகவல்கள் தெரிவிக்கின்றன.

2008ஆம் ஆண்டு நவம்பர் மாதம் 26ஆம் திகதி முதல் 29ஆம் திகதி வரை உலகை ஆட்டிப்படை தீவிரவாதிகளின் ஒருவர் கைது செய்யப்பட்டதுடன், ஏனையோர் பாதுகாப்பு பிரிவினரினால் கொல்லப்பட்டனர்.

இவ்வாறு கைது செய்யப்பட்டவர் இன்றும் விசாரணைக்குட்படுத்தப்பட்டு வருவதாக இந்திய பாதுகாப்பு தகவல்கள் தெரிவிக்கின்றன.

இதேவேளை, இந்த தாக்குதல் சம்பவத்துடன் தொடர்புடையதாக கூறப்படும் சிலரை பாகிஸ்தான் கைது செய்திருந்தது.

இவர்கள் மீது தொடரப்பட்ட வழக்கின் குற்றப்பத்திரிகை சரியாக தாக்குதல் மேற்கொள்ளப்பட்டு ஒரு வருடத்தின் பின்னர் பாகிஸ்தான் தீவிரவாத தடுப்பு நீதிமன்றில் தாக்கல் செய்யப்பட்டதாக செய்திகள் நேற்றைய தினம் வெளியாகியிருந்தன.

இதேவேளை, உலகில் நிலைக் கொண்டுள்ள தீவிரவாதத்தை முற்றாக அழிப்பதே உலக தலைவர்களின் நோக்கமாக அமைந்து வருகிறது.

இதற்கான பேச்சுவார்த்தைகளும் தொடர்ந்து இடம்பெற்று வருவதாக ஒவ்வொரு நாளும் செய்திகளில் கேட்க மற்றும் பார்க்க கூடியதாய் உள்ளதை யாரும் அறிவார்கள் அல்லவா!

சச்சினின் கிரிக்கெட் வாழ்க்கையில் 20 வருடங்கள்!

2009-11-14T18:50:00.005+05:30
இந்திய நட்சத்திர துடுப்பாட்ட வீரர் சச்சின் டெண்டூல்கார் தனது கிரிக்கெட் வாழ்க்கைக்கு பிரவேசித்து 15.11.2009ஆம் திகதியுடன் 20 வருடங்கள் பூர்த்தியாகின்றன.

1989ஆம் ஆண்டு நவம்பர் மாதம் 15ஆம் திகதி தனது கிரிக்கெட் வாழ்க்கைக்கு பிரவேசித்த சச்சின் டெண்டூல்கார், தனது முதலாவது போட்டியில் பாகிஸ்தான் அணி எதிர்த்தாடினார்.

முதலாவதாக டெஸ்ட் போட்டியில் விளையாடிய சச்சின் டெண்டூல்கார், அந்த போட்டியில் அரைசதத்தையும் பெற்றுள்ளார்.

இவர் 1973ஆம் ஆண்டு ஏப்ரல் மாதம் 24ஆம் திகதி மும்பையில் பிறந்தார்.

இவர் அன்று முதல் இன்று வரை 159 டெஸ்ட் போட்டிகளில் விளையாடியுள்ளதுடன், அவற்றில் 42 சதங்களையும், 53 அரைசதங்களையும் பெற்றுள்ளார்.

அத்துடன், 436 ஒரு நாள் சர்வதேச கிரிக்கெட் போட்டிகளில் விளையாடியுள்ள சச்சின் டெண்டூல்கார், அவற்றில் 45 சதங்களையும், 91 அரைசதங்களையும் பெற்றுள்ளார்.

இந்திய நட்சத்திர துடுப்பாட்டவீரர் சச்சின் டெண்டூல்கார் இதுவரை டெஸ்ட் போட்டிகளில் 12 ஆயிரத்து 773 ஒட்டங்களை பெற்றுள்ளதுடன், ஒரு நாள் சர்வதேச கிரிக்கெட் போட்டிகளில் 17ஆயிரத்து 178 ஒட்டங்களை பெற்றுள்ளார்.

மேலும், சச்சின் டெண்டூல்காருக்கு இந்தியாவின் 2ஆவது உயரிய குடிமுறை விருதான பத்மவிபூஷன் விருதும், விளையாட்டுத்துறையின் மிக உயரிய விருதான ராஜீவ் காந்தி கேல் ரத்னா விருதும் கிடைத்துள்ளது.

கிரிக்கெட்டின் அனேகமான சாதனைகள் இந்திய நட்சத்திர துடுப்பாட்ட வீரர் சச்சின் டெண்டூல்காரின் வசம் உள்ளமை குறிப்பிடத்தக்கது.

இதேவேளை, இந்தியாவிற்கு கிரிக்கெட் சுற்றுப் பயணம் மேற்கொண்டுள்ள இலங்கை அணிக்கும் இந்திய அணிக்கும் இடையிலான முதலாவது டெஸ்ட் கிரிக்கெட் போட்டி 16-11-2009ஆம் திகதி ஆரம்பமாகவுள்ளது.

இருக்கிறம் ஏமாற்றியது!

2009-11-03T08:24:00.003+05:30

இருக்கிறம் சஞ்சிகையினால் ஏற்பாடு செய்யப்பட்டிருந்த ஊடகவியலாளர்கள் மற்றும் வலைப்பதிவர் சந்திப்பு நேற்றைய தினம் நடைபெற்றது.

3 மணிக்கு ஆரம்பமாகும் என அறிவிக்கப்பட்டிருந்த நிலையில் இயற்கையில் மாற்றத்தினால் 4 மணி பிந்தியே சந்திப்பு ஆரம்பிக்கப்பட்டது.

எனினும், நாங்கள் குறித்த நேரத்திற்கு சென்று நண்பர்களுடன் கலந்துரையாட ஆரம்பித்து விட்டோம். சுமார் 50ற்கும் மேற்பட்டோர்.

சிரேஷ்ட ஊடகவியலாளர்கள், அறிவிப்பாளர்கள், வலைப்பதிவர்கள், மாணவர்கள் உள்ளிட்ட மேலும் பல கலந்து கொண்டதை காணக்கூடியதாய் இருந்தது.

இது வலைப்பதிவுகளை பற்றிய சந்திப்பாக இருக்கும் என்ற எதிர்பார்ப்பில் சென்ற எமக்கு ஏமாற்றம்………

இருக்கிறம் சஞ்சிகையை பற்றிய ஒரு கலந்துரையாடல். ஏன்? இருக்கிறம் சஞ்சிகையின் ஊடகவியலாளர் மாநாடு என்று தான் கூற வேண்டும்.

எத்தனை பேர் வெளி மாகாணங்களிலிருந்து வந்திருந்தார்கள். அவர்கள் அனைவருக்கும் ஏமாற்றம் தான்.

மட்டக்களப்பு, வவுனியா, பதுளை உள்ளிட்ட மேலும் பல இடங்களிலிருந்து கலந்து கொண்டனர்.

இந்த சந்திப்பு ஊடகவியலாளர்களான எமக்கு பயனை அளித்த போதிலும், அவர்களுக்கு அது பயனலிக்கவில்லை என்றே கூற வேண்டும்.

இருக்கிறம் சஞ்சிகையினால் நேற்றைய தினம் ஏற்பாடு செய்யப்பட்டிருந்த குறித்த சந்திப்பு சிறந்தது என்றாலும், அழைப்பு தான் பிழையாயிற்று.

இது ஊடகவியலாளர்களுக்கு மாத்திரம் என்று அழைப்பை விடுத்திருந்தால் பயனலித்திருக்கும். இருக்கிறம் ஏற்பாட்டாளர்கள் வலைப்பதிவுகளில் அழைப்பை விடுத்ததனால் இது வலைப்பதிவர் சந்திப்பு என்று அனைவரால் பேசப்பட்டது.

அதனால் தான் அனைத்து வலைப்பதிவர்களும் ஒன்று சேர்ந்து விட்டார்கள்.

இனிவரும் காலங்களில் இவ்வாறான சந்திப்புக்களை ஏற்பாடு செய்யும் போது உரியவர்களை மாத்திரம் அழையுங்கள்.

இது எனது கருத்து மாத்திரம் இல்லை. சந்திப்பிற்கு வருகை தந்த சிலரின் கருத்தை தொகுத்த கருத்துக்கள்!

புதிய முகங்கள் பலரை நேற்றைய தினம் நான் சந்தித்தேன்.
அதற்காக இருக்கிறம் சஞ்சிகைக்கு எனது நன்றிகள்.

இந்திய - இலங்கை தமிழ் சினிமா!

2009-11-01T07:14:00.007+05:30
தமிழ் சினிமா என்கின்ற போது இந்திய சினிமாவிற்கே வரவேற்ப அதிகம்!

காரணம் இந்திய சினிமாவின் தரம். அது மட்டுமா தொன்று தொட்டு வந்த விதம் அவ்வாறு அமைந்து விட்டது.

தமிழர்கள் என்ற ரீதியில் எடுத்துக் கொண்டால் எல்லாவற்றிற்கும் இந்தியா எவ்வாறாவது எமக்கு அவசியம் ஆகும் அல்லவா! அதுபோன்றே தான் இந்திய சினிமாவும்.

இலங்கையில் தமிழ் சினிமாக்கள் பல எடுக்கப்படுகின்றன. எனினும் அது இந்த நாட்டை விட்டு வெளியில் செல்லாது இங்கேயே இருந்து விடுகின்றன.

சொல்லப்போனால் மண்ணோடு மண்ணாய் போய் விடுகின்றன இலங்கை தமிழ் சினிமா.

அத்துடன், இந்தியா போன்றதொரு பெரிய நாட்டிற்கு அருகில் இருக்கும் போது எம்மால் முன்னோக்கி செல்லது கடினம். அது எனக்கு நன்றாகவே தெரியும்.

இதற்கு உதாரணமொன்று கூட சொல்ல முடியும். ஆலை மரம் அருகில் எந்தவொரு செடியையும் வளரவிடாது!

அதுபோன்று தான் இந்திய சினிமா

ஆலை மரம் - இந்தியா
ஏனைய செடிகள் - இலங்கை, மலேசியா, சிங்கப்பூர்

இந்தியாவிற்கு அருகில் இருப்பதனால் எம்மால் முன்னோக்கி செல்வதில் கடினமாகவுள்ளது என்கிறார்கள் உள்ளுர் பட தயாரிப்பாளர்கள்.

எனினும், அப்படி சொல்ல முடியாது திறமையான, தரமான, ரசிகர்களின் மனதை கவரும் வண்ணமான திரைப்படங்களை வழங்கினால் நிச்சயம் இந்தியாவை தாண்டி இலங்கை சினிமா செல்ல முடியும்.

என்ன இவன் இலங்கையில் படம் எடுக்க சொல்ரானா? வேணானு சொல்லுரானா? ஒண்ணுமே புரியல அப்படி தானே!

புரிந்து கொண்டால் சரி!

ஏன் இலங்கையிலும் திறமையான நடிகர்கள் இருக்கின்றார். அவர்கள் ஏன் இந்தியாவிற்கு சென்று நடிக்க வேண்டும். இங்கேயே தமது திறமைகளை காட்டி முன்வர முடியும் தானே.

இந்திய சினிமாவை எடுத்து பார்க்கும் போது அதில் முக்கிய புள்ளிகளாக காணப்படும் கலைஞர்கள் இலங்கையைச் சேர்ந்தவர்கள் என்பதை யாராலும் மறுக்க முடியாது.

இலங்கையிலும் திறமை உள்ளது என்பதை அவர்கள் நிருபித்துள்ளனர்.

பார்ப்போம் சினிமாவின் எதிர்காலம் இலங்கைக்கு எப்படி என!

நான் என்ன கடவுளா!

2009-10-01T20:09:00.008+05:30
கடந்த ஜுன் மாதம் 16ஆம் திகதி நான், எனது இணைத்தளத்தில் இட்ட பதிவைப் பார்த்து அனைவரும் சிரித்தார்கள்.

நான் கூறியவாறு கூறிய திகதியில் சம்பவங்கள் நடக்க நான் என்ன கடவுளா?

எனினும் நான் அன்று கூறியது இன்று நடந்துள்ளது. என்னவென்று பார்க்கிறீர்களா? அது தான் சுனாமி.

சுமத்திரா தீவில் நேற்றைய தினம் இடம்பெற்ற சுனாமியினால் சுமார் 770ற்கும் மேற்பட்டோர் உயிரிழந்துள்ளனர். மேலும், ஆயிரக்கணக்கானோர் காயமடைந்தும், பலர் காணாமல் போயும் உள்ளதாக தகவல்கள் தெரிவிக்கின்றன.

அத்துடன், கடந்த கிழமை பிலிப்பைன்ஸில் ஏற்பட்ட வெள்ளப் பெருக்கு. சுமார் 40 வருடங்களின் பின்னர் ஏற்பட்டதாம்! அதில் 150ற்கும் மேற்பட்டோர் உயிரிழந்துள்ளதுடன், லட்சக்கணக்கானோர் பாதிக்கப்பட்டுள்ளனர்.

ஒரு வருடத்தில் 3 கிரகணங்கள் ஏற்பட்டால் அந்த வருடத்தில் ஒரு பாரிய அழிவொன்று உள்ளது என்பது உறுதி! நான் அன்று எனது இணைத்தளத்தில் இட்ட பதிவை பார்த்து பலர் சிரித்தார்கள். ஏன் நிறுவனத்தில் இன்றும் என்னை கேலி செய்வார்கள்.

எனது இந்த பதிவும் முன்னெச்சரிக்கைக்கான பதிவு தான்! இந்த வருட இறுதிக்குள் மேலும் இவ்வாறான அனர்த்தங்கள் ஏற்பட வாய்ப்புள்ளதாக நான் மேற்கொண்ட ஆய்வுகளின் மூலம் எனக்கு தெரிய வந்துள்ளது.

அதனால் தயவு செய்து எதற்கும் அவதானத்துடன் இருக்குமாறு நான் அனைவரிடமும் கேட்டுக்கொள்கிறேன்.

இது உலகம் புதுப்பிக்கப்படுவதற்கான காலப்பகுதி. இவ்வாறான அழிவுகள் ஏற்பட்டு பின்னர் இந்த உலகம் புதுப்பிக்கப்படும் என்பது வரலாறு!

இந்த உலகம் புதுப்பிக்கப்படுவது யுகமொன்றிற்கு ஒரு முறை தான்! அந்த யுகம் புதுப்பிக்கப்படும் ஆண்டு நெருங்கி விட்டதாம். அந்த ஆண்டு தான் 2012!

2012ஆம் ஆண்டு டிசம்பர் மாதம் 21ஆம் திகதியுடன் உலகின் பிரசித்திப் பெற்ற கலண்டரான மாயன் கலண்டரின் திகதிகள் முடிவடைகின்றன.

அதன் பின்னர் உலகம் எப்படி இருக்கும் என்பது தான் கேள்வி!

எனது பழைய பதிவை பார்க்க இந்த முகவரியில் பயணிக்கவும்!

http://aprasadh.blogspot.com/2009/07/2012-22.html

ஆதவன் + வேட்டைக்காரன்

2009-09-24T08:06:00.010+05:30
தமிழ் சினிமா ரசிகர்களிடையில் மிக எதிர்பார்ப்புடன் இருக்கும் இரு படங்கள் வெகுவிரைவில் வெளியாகவுள்ளன.

சினிமா வாழ்க்கையின் பிரவேசத்திலிருந்து குழந்தைகள் முதல் முதியோர் வரை மனதில் இடம் பிடித்து தற்போது அவர்களினாலேயே விமர்சிக்க வைத்துள்ள நடிகர் விஜயின் வேட்டைக்காரன்.

இளைஞர்கள் ரசிக்கின்ற, இளம் பெண்கள் காதலிக்கின்ற தற்போதைய சினிமா ரசிகர்களின் நாயகன் சூர்யாவின் ஆதவன்.

தொடர் வெற்றிகளை தந்து முன்னணியிலுள்ள சூர்யா மற்றும் தற்போது சற்று சினிமாவில் வீழ்ந்துள்ள விஜய் ஆகியோரின் இரு படங்கள் வெளியாகவுள்ளன.

இதில் விசேடம் என்னவென்றால் உண்மையான இரு நண்பர்களின் போட்டிக்காலம் இது!

எனது இன்றைய பதிவு சிறிய ஆய்வு தான்! இது நடக்கலாம், நடக்காமலும் போகலாம்! சும்மா.

அரசியல் வாழ்க்கையில் பிரவேசிக்க எண்ணியுள்ள விஜயை அவருடைய பல ரசிகர்கள் கைவிட்டுள்ளனர். சிலர் அவரை தனது மனதிலிருந்தே நீக்கிவிட்டனர்.

விஜயின் வெற்றி படங்களுக்கு பல காரணங்கள் இருக்கின்ற போதிலும், முக்கியமான ஒரு காரணம் உள்ளது. அது தான் விஜய் அனைவரது உள்ளங்களிலும் இடம் பிடித்திருந்தமை.

ஆனால் இன்று அவர் பல ரசிகர்களின் மனதில் பிடித்திருந்த இடத்தை இழந்துள்ளார். காரணம் அவரது அரசியல் பிரவேசம்!

அதனால் வெளிவரவுள்ள வேட்டைக்காரன் எவ்வளவு சிறந்த படமாக இருக்கின்ற போதிலும், அது வெற்றி பெறுமா? என்ற கேள்வி அனைவரது மனதிலும் எழுந்த வண்ணமே உள்ளது.

விஜயின் இறுதியாக வெளிவந்த படமான வில்லு வரையுள்ள அனைத்து படங்கள் வெளிவரும் போதும் ஓர் எதிர்பார்ப்பு மனதில் இருந்த வண்ணமே இருக்கும். ஆனால் அது இப்போ இல்லை.

ஆனால், சூர்யாவின் ஒவ்வொரு படங்களும் ஒவ்வொரு விதமான வித்தியாசமான கதைகளில் வெளிவந்த வண்ணம் உள்ளன.

இவரின் ஒரே நோக்கம், சினிமாவில் தான் கைப்பற்றியுள்ள நிலையை தொடர்ந்து தக்க வைத்துக் கொள்ள வேண்டும் என்பதே!

அதனால் வெளிவரவுள்ள ஆதவன் அனைவரது உள்ளங்களிலும் ஒரு எதிர்பார்ப்பை உண்டாக்கியுள்ளதாக சினி ரசிகர்களின் தெரிவிக்கின்றனர்.

இதனால் இம்முறை வெளிவரும் படங்களில் எந்த படம் வெற்றி பெறும் என்பது அனைவரது மனதிலும் உள்ள ஒரு கேள்வி!

இதற்கு காலம் தான் பதில் சொல்ல வேண்டும்! நிச்சயம் காலம் பதில் கூறும்!

அனைவருக்கும் நன்றி!

2009-09-22T12:31:00.005+05:30

குறுகிய காலத்தில் பெருமளவானோரை இந்த பதிவுகளின் ஊடாகவே சந்தித்துள்ளேன். பலரது முகவரியை நான் அறிந்தேன்.

அதுமட்டுமன்றி என்னை பலரும் அறிந்தது இந்த பதிவுகளின் மூலம் என்றும் கூறலாம்.

இவ்வாறு பதிவுலகில் பிரவேசித்த எனக்கு இதுவரை இருவர் விருதுகளை வழங்கியுள்ளனர்.

இன்றைய பதிவு அவர்களை மையமாக கொண்டே அமைந்திருக்க வேண்டும் என்ற எண்ணத்துடனும், எனது பதிவுலக பிரவேசத்திற்கு உட்சாகம் கொடுத்தவர்களுக்குமே இந்த பதிவை சமர்பிக்கிறேன்.

முதல் முறையாக அவர்களுக்கு எனக்கு கிடைத்த விருதை வழங்க விரும்புகிறேன்.

முதலாவது விருது இதுவரை பதிவுலகத்திற்கு பிரவேசிக்காது எனக்கு பலவகையில் ஒத்துழைப்புக்களை வழங்கிய என் அண்ணன் டிரோஷனுக்கு.

இரண்டாவது எனக்கு ஒத்துழைப்புக்களை வழங்கி தகவல்களை பெற்றுக் கொடுத்த லோஷன் அண்ணாவிற்கு.
http://loshan-loshan.blogspot.com/

மூன்றாவது பதிவுலகில் சிறந்த பதிவுகளை இட்டு வரும் ஹிஷாம் அண்ணாவிற்கு.
http://nhisham.blogspot.com/

நான்காவது எனது அருகில் இருந்தாலும், அருகில் இல்லாவிடினும் தகவல்களை தொடர்ந்தும் வழங்கிய வெற்றியின் சதீஷன்.
http://sshathiesh.blogspot.com/

ஐந்தாவதாக விருது வழங்கியவருக்கே மீண்டும் அதே விருதை வழங்க விரும்புகிறேன்! (சிந்து)
http://vsinthuka.blogspot.com/

இறுதியாக இதுவரை எனக்கு பலவகையில் உதவிகளை வழங்கிய என் நண்பர்களுக்கு இந்த விருதை சமர்பிக்கிறேன்!

எனது பதிவுகளின் இடுகை தொடரும்.............

மனிதனைத் தாக்கும் மற்றுமொரு மிருகம்!

2009-09-13T07:24:00.004+05:30

மனிதர்களை கடந்த சில மாதங்களாக தாக்கிய பன்றிக் காய்ச்சலை தொடர்ந்து இன்னுமொரு மிருகத்தின் காய்ச்சல் மனிதனை அண்மித்துள்ளதாக தகவல்கள் தெரிவிக்கின்றன.

இன்று காலை பத்திரிகை செய்தியை கண்டு வியப்படைந்தே இந்த பதிவை சில நாட்களின் பின்னர் இன்று இடுகிறேன்!

தென் கிழக்காசிய நாடுகளிலேயே இந்த காய்ச்சல் பரவி வருவதாக தெரிவிக்கப்படுகிறது.

இது மலேசியா, இந்தோனேஷியா ஆகிய நாடுகளில் அதிகளவில் காணப்படுவதாக இன்றைய பத்திரிகையில் படித்தேன்!

மேலும், இந்த குரங்குக் காய்ச்சல் இந்தியா மற்றும் இலங்கை ஆகிய நாடுகளை இதுவரை அண்மிக்கவில்லை என்பது திருப்தியளிக்கிறது.

நீண்ட வால், குட்டை வால் குரங்குகளை மட்டுமே தாக்கி வந்த இந்த வைரஸ் மலேசியா மற்றும் இந்தோனேஷியா ஆகிய நாடுகளில் சில மனிதர்களிடம் தொற்றியுள்ளதாக பீதி ஏற்பட்டுள்ளது.

இது நுளம்புகளினால் ஏற்படும் மலேரியா காய்ச்சல் வகையைச் சேர்ந்தது என தெரிவிக்கப்படுகிறது.

நோயால் பாதிக்கப்பட்டுள்ள குரங்குகளிடமிருந்து பரவிய இந்த வைரஸ், மனிதனை தாக்கியுள்ளது. இதுவரை மலேசியாவில் மாத்திரம் 150ற்கும் மேற்பட்டோர் குரங்குக் காய்ச்சலினால் பாதிக்கப்பட்டு சிகிச்சை பெற்றுள்ளதாக தகவல்கள் தெரிவிக்கின்றன.

அதில் 3இல் 2 பங்கினரை குரங்குக் காய்ச்சல் வைரஸ் தாக்கியுள்ளமை கண்டுப்பிடிக்கப்பட்டுள்ளதுடன், இவ்வாறு இனங்காணப்பட்டவர்களில் இருவர் இதுவரை பலியாகியுள்ளனர்.

அத்துடன், தற்போது இந்தோனேஷியாவிலும் இந்த காய்ச்சல் பரவி வருவதாக தகவல்கள் தெரிவிக்கின்றன.

இந்த வைரஸ் தொற்றுக்குள்ளானால் உடலின் இரத்த ஒட்டம் பாதிக்கப்பட்ட மூச்சு திணறல் ஏற்பட்டு உயிர் ஆபத்து ஏற்படும் என வைத்தியர்கள் தெரிவித்துள்ளனர்.

சரி மனிதன் குரங்கிலிருந்து வந்ததை தற்போது மறந்துள்ள நிலையில் ஞாபகப்படுத்தும் வகையில் இந்த காய்ச்சல் பரவ தொடங்கியுள்ளது.

ஆனால் பன்றிக் காய்ச்சல். மனிதன் பன்றியிலிருந்து வரவில்லை?

	Smiley	Name	Shortcut
		smile	:-) :) :] =)
		frown	:-( :( :[ =(
		gasp	:-O :O :-o :o
		grin	:-D :D =D
		tongue	:-P :P :-p :p =P
		wink	;-) ;)
		curly lips	:3
		kiss	:-* :*
		grumpy	>:( >:-(
		glasses	8-) 8) B-) B)
		sunglasses	8-\| 8\| B-\| B\|
		upset	>:O >:-O >:o >:-o
		confused	o.O O.o
		shark	(^^^)
		pacman	:v
		squint	-_-
		angel	O:) O:-)
		devil	3:) 3:-)
		unsure	:/ :-/ :\ :-\
		cry	:'(
		Chris Putnam	:putnam:
		robot	:\|]
		heart	<3
		kiki	^_^
		42	:42:
		penguin	<(“)